Свет33

Зяленскі: З Трампам мне прасцей, чым з Пуціным

Прэзідэнт Украіны Уладзімір Зяленскі заявіў, што яму прасцей весці перамовы з прэзідэнтам ЗША Дональдам Трампам, чым з расійскім кіраўніком Уладзімірам Пуціным. Пра гэта ён сказаў 16 кастрычніка, адказваючы на пытанне карэспандэнта Euronews падчас прэс-канферэнцыі на саміце Еўрасаюза ў Бруселі.

Уладзімір Зяленскі. Фота: AP Photo Francisco Seco

Зяленскі адрэагаваў на нядаўнюю крытыку з боку Трампа, які сцвярджаў, што з украінскім прэзідэнтам складаней мець справу, чым з Пуціным. На працягу апошняга тыдня адносіны паміж Вашынгтонам і Кіевам былі напружанымі.

«З ім, вядома, прасцей, чым з Пуціным. Я кажу пра Трампа», — заявіў Зяленскі.

Паводле яго, падчас некалькіх сустрэч з амерыканскім прэзідэнтам ім заўсёды ўдавалася знаходзіць тэмы для абмеркавання і прымаць рашэнні.

Напружанасць паміж Украінай і ЗША ўзмацнілася праз украінскія ўдары па расійскай нафтавай інфраструктуры і рашэнне Трампа змякчыць санкцыі ў дачыненні да расійскага дызельнага паліва. Амерыканскі прэзідэнт раскрытыкаваў атакі на расійскія нафтаперапрацоўчыя заводы, заявіўшы, што яны спрыяюць росту сусветных цэн на паліва.

Зяленскі падкрэсліў, што галоўным для яго застаецца абарона нацыянальных інтарэсаў Украіны, незалежна ад знешняга ціску. Ён нагадаў, што Расія напала на Украіну, акупавала яе тэрыторыі і забівала ўкраінскіх грамадзян.

«Лагічна, што мы маем права на самаабарону», — сказаў украінскі прэзідэнт.

Ён назваў дзеянні Украіны цалкам законнымі і заявіў, што краіна будзе працягваць абараняцца да канца.

Адкрыта адказваць на пытанне пра тое, ці падтрымліваюць еўрапейскія лідары далейшыя ўдары па расійскіх нафтаперапрацоўчых заводах, Зяленскі не стаў. Замест гэтага ён яшчэ раз падкрэсліў права Украіны на самаабарону.

Украінскі прэзідэнт заявіў, што Кіеў па-ранейшаму гатовы завяршыць вайну шляхам перамоў, аднак, паводле яго, Пуцін не дэманструе сапраўднай зацікаўленасці ў мірным пагадненні.

«Пуцін цяпер не хоча перамоў ні ў якім фармаце», — сказаў Зяленскі.

Ён назваў заявы Масквы пра імкненне скончыць вайну пародыяй на сапраўднае жаданне дасягнуць міру. На думку ўкраінскага кіраўніка, Пуціну недастаткова нават Данбаса, бо ён не зацікаўлены ў завяршэнні вайны.

Зяленскі таксама папярэдзіў, што змякчэнне абмежаванняў на расійскае дызельнае паліва можа стаць пачаткам далейшых саступак Маскве і аслабіць намаганні Захаду, накіраваныя на абмежаванне фінансавання расійскай вайны супраць Украіны.

«На мой погляд, мы не можам пагаджацца на гэтыя «дызельныя здзелкі», гэтыя дамоўленасці, таму што за імі пойдуць следам газавыя. Я абсалютна ў гэтым упэўнены. А пасля газу пачнуць здымаць санкцыі і ў іншых сферах», — заявіў ён.

Паводле Зяленскага, надалей змякчэнне абмежаванняў можа закрануць банкаўскую сістэму, фізічных асоб і хімічную прамысловасць.

Асобную занепакоенасць украінскага прэзідэнта выклікае лёс замарожаных расійскіх актываў. Ён дапусціў, што і яны могуць апынуцца пад пагрозай, калі заходнія краіны працягнуць ісці насустрач Маскве.

«Калі я не буду адстойваць гэта, хто зробіць гэта за нас? Я маю на ўвазе дыпламатычнымі метадамі», — сказаў Зяленскі.

Еўрапейскія лідары, са свайго боку, імкнуцца захаваць ціск на Расію, нягледзячы на рашэнне Вашынгтона змякчыць частку санкцый. Старшыня Еўракамісіі Урсула фон дэр Ляен заявіла ў пятніцу, што Еўрасаюз не будзе здымаць абмежаванні, пакуль Расія не спыніць вайну. Старшыня Еўрапейскай рады Антоніу Кошта таксама заклікаў узмацняць ціск на Маскву, а не ісці на новыя саступкі.

Каментары3

  • Так держать!
    16.10.2026
    Прогиб защитан!
  • Янка
    16.10.2026
    Але найбольш красамоўным быў маўклівы адказ Зяленскага на пытанне аднаго з журналістаў, ці лічыць ён, што Трамп спрабуе зрабіць з яго казла адпушчэння за ўласныя хібы наперадзе прамежкавых выбараў у кангрэс ЗША
  • Молодец.
    16.10.2026
    Очень находчиво, только так оранжевому деду и отвечать.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць