Свет11

ЗША эвакуююць дыпламатаў і перамяшчаюць войскі на Блізкім Усходзе. Трамп разглядае новыя ўдары па Іране

ЗША скарачаюць персанал дыпламатычных місій і перамяшчаюць вайскоўцаў на базах Блізкага Усходу. Падобныя меры прымалі перад пачаткам вайны з Іранам у лютым.

Скрын з відэа

Як паведамляе NBC News са спасылкай на крыніцы, у апошнія дні Пентагон без публічных абвестак перамяшчае вайскоўцаў з шэрагу баз у рэгіёне. Гэта закранае аб’екты ў Іарданіі, Катары і Кувейце. Куды менавіта пераводзяць людзей і колькі іх — не паведамляецца.

Адначасова Дзярждэпартамент загадаў скараціць колькасць супрацоўнікаў некалькіх дыпламатычных прадстаўніцтваў. З Саудаўскай Аравіі павінны выехаць супрацоўнікі, чыя прысутнасць не з’яўляецца неабходнай, і члены сем’яў. Амбасада працягне працу скарочаным складам.

Гэтыя перамяшчэнні адбываюцца на фоне абмеркавання новай аперацыі супраць Ірана. Паводле NBC, вайсковае кіраўніцтва называе Трампу магчымыя варыянты ўдараў. Адна з ідэй — кароткая кампанія, якая разам з эканамічным ціскам прымусіла б Тэгеран пайсці на перамовы і адкрыць Армузскі праліў.

Крыніца ABC News адзначыла, што цяперашняе перамяшчэнне вайскоўцаў падобнае да таго, якое адбывалася перад пачаткам вайны ў лютым.

Аднак эвакуацыю дыпламатаў нельга адназначна лічыць падрыхтоўкай да ўдару па Іране. Паводле амерыканскіх чыноўнікаў, на якіх спасылаецца ABC, выезд персаналу з Саудаўскай Аравіі звязаны з пагрозай з боку хусітаў. Гэтая групоўка, якую падтрымлівае Іран, атакуе саудаўскія вайсковыя і нафтавыя аб’екты, а таксама цывільныя аэрапорты.

Меншыя скарачэнні персаналу іншых амбасадаў чыноўнікі таксама звязваюць з пагрозай хусітаў і іншымі абставінамі, якія, паводле іх, не датычацца магчымай новай аперацыі супраць Ірана.

Цэнтральнае камандаванне ЗША адмовілася раскрываць падрабязнасці перамяшчэння войскаў, спаслаўшыся на бяспеку аперацый.

Паводле NBC, у атачэнні Трампа няма адзінства наконт новых удараў: Піт Хегсет выступае за аднаўленне аперацый, іншыя чыноўнікі асцерагаюцца пачынаць кампанію без яснага разумення, як яе завяршыць.

Яшчэ 8 кастрычніка Трамп публічна абяцаў не атакаваць Іран да прамежкавых выбараў у Кангрэс, прызначаных на 3 лістапада. Цяпер, паводле крыніц NBC, абмяркоўваюцца варыянты дзеянняў як да выбараў, так і пасля іх.

Каментары1

  • Кароткая кампанія
    22.10.2026
    На тры-чатыры дні
    Гэта бліскучая ідэя
    Не раз паказаўшая сваю жыццяздольнасць.

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

«Табе яшчэ прыйдзецца выбачыцца». Ціханоўскі адказаў Севярынцу120

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць