Грамадства1616

Алесь Кіркевіч: з турмы на волю

Нечаканае вызваленне, доўгі шлях да жонкі з Полацка ў сталіцу, даўно не бачаныя зоркі на шашы Віцебск - Мінск і Плошча Незалежнасці – першыя 12 гадзін з вольнага жыцця Алеся Кіркевіча – фотарэпартаж Сяргея Гудзіліна.

Нечаканае вызваленне, доўгі шлях да жонкі з Полацка ў сталіцу, даўно не бачаныя зоркі на шашы Віцебск — Мінск і Плошча Незалежнасці — першыя 12 гадзін з вольнага жыцця Алеся Кіркевіча — фотарэпартаж Сяргея Гудзіліна.

Пасля нечаканага вызвалення вечарам у чацвер Алесю Кіркевічу за дзясяткі хвілін удалося даехаць да Полацка, адкуль ён паведаміў родным і сябрам аб тым, што ён ужо на волі. Амаль адначасова з Мінску ў Полацк адправіліся паплечнікі Кіркевіча, а жонка Надзея пабегла на вакзал у Гродне, каб сустрэць мужа ў Мінску.

На чыгуначнай станцыі ў Полацку Алесь чакаў сяброў больш за тры гадзіны.

Пасля першай гадзіны ночы ў прывакзальную кавярню ўвайшла ўся дэлегацыя, што прыехала па Кіркевіча — Наста Палажанка, Мікола Дземідзенка, Юрась Губарэвіч, Андрэй Кім.
Людзей сабралася на два аўто. Кароткі перапынак на гарбату зацягнуўся на некалькі гадзін. Алесь спрабаваў распавесці ўсё — пра ўмовы ўтрымання, людзей, з якімі сядзеў у Наваполацкай калоніі. Пра сустрэчы там з Саннікавым і Ліхавідам.
Пра напісанне прашэння аб памілаванні Алесь сказаў, што гэта не яго слабасць, а слабасць Лукашэнкі.

Навіна аб вызваленні сустрэла яго вечарам. На зборы далі паўгадзіны. «Нават развітацца з сукамернікамі нармальна не змог», — распавядзе потым Кіркевіч. Частку лістоў і кніг прыйшлося пакінуць у турме. Затое

з сабой Кіркевіч забраў турэмныя артэфакты — вопратку з сваім прозвішчам, вырабленую арыштантам асадку, футарал для лыжкі. Кажа, што ўсе гэта магчыма спатрэбіцца ў будучыні для заснавання ў Гродне прыватнага музею лукашэнкаўскіх рэпрэсій.

А трэцяй гадзіне машыны скіраваліся на Мінск. На кароткім прыпынку на шашы Віцебск — Мінск Алесь доўга ўглядаўся ў надзіва зорнае неба. Казаў, што даўно такога не бачыў — праз краты зорак у Наваполацку не было відаць. Наступныя дзе гадзіны па дарозе ў Мінск прайшлі ў эмацыйных расповедах Алеся пра наваполацкую турму. Ён чарговы раз пацвердзіў тэзу ўсіх адпушчаных палітвязняў аб тым, што

ў турме няма ніводнага, хто падтрымліваў бы дзейную ўладу.

Адразу па прыедзе ў Мінск Кіркевіч папрасіў завезці яго на плошчу Незалежнасці — тут гэта ўсё пачалося і цяпер у нейкім сэнсе і сканчаецца. На памяць аб арышце Алесь думаў пакінуць ля Дома ўрада сваю турэмную вопратку, але перадумаў. Відаць, ідэя музея лукашэнкаўскіх рэпрэсій — гэта сур’ёзна.

На вакзале ў Мінску Алесь сустрэў жонку Надзею, якая ўсю ноч ехала да яго з Гродна. Абдымкі і пацалункі перапынілі доўгае растанне. Перарваны арыштам Алеся мядовы месяц распачаўся для маладой сям’і наноў.

Каментары16

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць