Усяго патроху11

Адна-дзевяць цыгарэт у дзень змяншае працягласць жыцця на чатыры гады

20 цыгарэт — на шэсць гадоў, зазначаюць спецыялісты.

Даследаванні паказваюць, што курэнне ад адной да дзевяці цыгарэт у дзень памяншае «чаканую працягласць жыцця» больш чым на чатыры гады.

Аб гэтым заявіў загадчык сектара наркалогіі Рэспубліканскага навукова‑практычнага цэнтра псіхічнага здароўя Уладзімір Максімчук на прэс‑канферэнцыі ў Мінску 26 мая.

Калі чалавек выкурвае ў дзень ад 10 да 20 цыгарэт, яго жыццё скарачаецца на 5,5 года, больш за 20 цыгарэт — на 6,2 года.

У.Максімчук зазначыў, што курэнне, па сутнасці, з’яўляецца не шкоднай прывычкай, а залежнасцю падобна наркатычнай, гэта значыць захворваннем. Ён паведаміў, што для чалавека смяротнай дозай нікаціну з’яўляецца 50—100 міліграмаў, што адпавядае 25 выкураным цыгарэтам. Курцы не гінуць толькі таму, што атрутная доза ўводзіцца ў арганізм паступова.

Спецыяліст падкрэсліў таксама, што не існуе бяспечных цыгарэт. Гаворачы аб цыгарэтах, якія называюцца вытворцамі «лёгкімі», ён заўважыў, што ўяўленне аб іх меншай шкодзе для арганізма з’яўляецца ілюзіяй. Чалавек, які курыць «лёгкія» цыгарэты, робіць больш глыбокія ўдыхі, часцей адчувае патрэбу пакурыць. У выніку ён спажывае амаль такую ж колькасць нікаціну і іншых шкодных рэчываў, як і пры курэнні больш моцных цыгарэт.

Найбольш шкоднае курэнне для дзяцей, заявіў У.Максімчук. Так, калі дзіця пачынае курыць да 15 гадоў, рызыка памерці ад злаякаснай пухліны павялічваецца ў яго ў шэсць разоў у параўнанні з чалавекам, які заахвоціўся да тытуню пасля 25 гадоў, падкрэсліў нарколаг.

Акрамя таго, на здароўе дзяцей і дарослых згубны ўплыў аказвае пасіўнае курэнне. Медыкі падкрэсліваюць, што шкодна не толькі знаходзіцца ў адным пакоі з чалавекам, які ў гэты момант курыць. Для дзяцей любога ўзросту з’яўляецца непажаданым прысутнасць з імі ў адным пакоі чалавека, які толькі што выкурыў цыгарэту.

Цяпер існуюць неабвержныя доказы сувязі тытунекурэння з развіццём 18 форм злаякасных утварэнняў. Гаворка ідзе пра рак лёгкага, стрававода, гартані і страўніка. Як падкрэсліў вядучы навуковы супрацоўнік РНПЦ анкалогіі і медыцынскай радыялогіі імя Аляксандрава Аляксандр Скалыжэнка, першапрычынай 98% усіх выпадкаў раку лёгкага з’яўляецца курэнне тытуню.

Ён таксама дадаў, што курцы з запаволеным метабалізмам маюць большую рызыку захварэць на рак.

Алена Спасюк, БелаПАН

Каментары1

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць