Здароўе

Колькі трэба спаць, каб зберагчы мозг ад дэменцыі

Навукоўцы вылічылі працягласць сну, пры якой шансы пажылых людзей атрымаць дэменцыю будуць самымі нізкімі.

Фота depositphotos.com

Прытрымлівацца залатой сярэдзіны — прынцып, што дапамагае ў самых розных сферах жыцця. Як высветлілі вучоныя, ён працуе і ў дачыненні да колькасці сну і да таго, як яна ўплывае на працу мозгу.

Каб зрабіць такія высновы, навукоўцы з медыцынскага факультэта ўніверсітэта Вашынгтона ў амерыканскім Сэнт-Луісе праманіторылі сон ста пажылых людзей. Іх таксама праверылі на наяўнасць узроставага зніжэння інтэлекту і сімптомы ранніх стадый хваробы Альцгеймера, піша CNN.

Высветлілася, што толькі тыя з удзельнікаў даследавання, хто спаў не занадта мала і не занадта шмат, захавалі добрыя паказчыкі функцыянавання мозгу.

Калі чалавек спаў менш за 5,5 гадзіны ці больш за прыкладна 7,5 гадзіны, ён дэманстраваў горшыя паказчыкі інтэлекту, чым тыя, чый сон укладваўся ў гэты прамежак. Раней было вядома, што на інтэлект дрэнна ўплывае недахоп сну, таму першая лічба не стала сюрпрызам для даследчыкаў.

Але чаму ж вялікая колькасць сну таксама не гарантуе добрую працу мозгу? Навукоўцы выказваюць здагадку, што для мозгу важная не толькі колькасць сну, але і яго добрая якасць. Таму нават калі вы спіце шмат, але ваш сон павярхоўны, гэта можа выклікаць праблемы са здароўем.

Лічыцца, што паўнавартасны начны сон павінен складацца з 4-6 цыклаў сну, прычым кожны з цыклаў, адпаведна, складаецца з чатырох стадый. Адзін цыкл сну займае прыкладна 90 хвілін, таму, каб прайсці адпаведную колькасць цыклаў сну, большасці людзей трэба спаць 7-8 гадзін. Пажадана, каб пры гэтым сон быў якасным і бесперашкодным.

Але калі людзі старэюць, ім робіцца ўсё больш цяжка засынаць і спаць усю ноч без абуджэнняў. На гэта часта ўплывае наяўнасць хранічных хвароб і прыём лекаў: выражаныя сімптомы і пабочныя эфекты лекаў могуць перашкаджаць спакойнаму сну. Гэта, у сваю чаргу, можа адчувальна паўплываць на якасць важнай фазы глыбокага сну і, адпаведна, на працу мозгу.

Доўга засынаеце па начах? Вось што можна з гэтым зрабіць — карысныя парады

Амерыканскія навукоўцы распрацавалі вакцыну супраць рэўматоіднага артрыту

10 найлепшых натуральных антыбіётыкаў: што гэта за расліны і як яны дзейнічаюць?

Каментары

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць