Ежа

Рэцэпт на выхадныя: венецыянскі маркоўны пірог

Маркоўны пірог (ці, у іншых варыяцыях, торт) — дужа папулярны дэсерт, які часта можна сустрэць у кавярнях. Пры жаданні да яго можна дадаць крэм з сыру маскарпонэ — сапраўдная асалода!

Фота: BBC Food

Каб прыгатаваць венецыянскі маркоўны пірог, вам спатрэбіцца:

  • 3 чайныя лыжкі кедравых арэхаў,
  • 200-250 грамаў морквы,
  • 75 грамаў разынак (лепей браць залатыя разынкі),
  • 60 мілілітраў рому,
  • 150 грамаў цукру,
  • 125 мілілітраў аліўкавага алею (і трошкі яшчэ, каб змазаць форму),
  • чайная лыжка ванільнага экстракту,
  • 3 яйкі,
  • 250 грамаў молатага міндалю,
  • палова чайнай лыжкі молатага мускатнага арэху,
  • палова лімона (пакіньце ад яго толькі цэдру і сок).

Калі хочаце зрабіць да пірага крэм з маскарпонэ, падрыхтуйце:

  • 250 грамаў сыру маскарпонэ,
  • 2 чайныя лыжкі цукровай пудры,
  • 2 чайныя лыжкі рому.
  1. Разагрэйце духоўку да 180 градусаў. Вазьміце круглую форму для выпякання дыяметрам 23 см, пакрыйце дно пякарскай паперай і змажце бакі формы алеем.
  2. Падсушвайце кедравыя арэхі на патэльні без алею, пакуль яны не набудуць карычневы колер.
  3. Здрабніце моркву з дапамогай дробнай таркі. Завярніце атрыманую масу ў сурвэтку з паперы і адцісніце яе, каб прыбраць лішнюю вадкасць.
  4. Памясціце разынкі і ром у маленькую каструлю, давядзіце да кіпення, потым паменшыце агонь і варыце сумесь 3 хвіліны.
  5. Узбівайце цукар і алей разам, пакуль сумесь не загусцее. Дадайце ванільны экстракт і яйкі, зноў добра ўзбейце сумесь. Пасля гэтага ўмяшайце ў яе молаты міндаль, мускатны арэх, маркоўную масу, разынкі і, нарэшце, цэдру і сок лімона.
  6. Перамясціце сумесь у падрыхтаваную форму для выпякання і разгладзьце яе лапаткай. 
  7. Упрыгожце верх пірага кедравымі арэхамі і пастаўце форму ў духоўку на 30-40 хвілін. Пірог будзе гатовы, калі яго верх уздымецца і набудзе карычневы колер. Памясціце ў цэнтр пірага драўляную шпажку і дастаньце яе — калі на шпажцы амаль не будзе рэшткаў цеста, значыць, пірог можна есці. Дастаньце яго з духоўкі і астудзіце перад тым, як вымаць з формы.
  8. Каб зрабіць крэм, перамяшайце сыр маскарпонэ з цукровай пудрай і ромам.
  9. Падавайце пірог з крэмам у асобнай місцы, каб кожны, хто пажадае, мог узяць трошкі крэму сабе.

Рэцэпт на выходныя: вытанчаны дэсерт лава-кейк з марожаным

Рэцэпт на выходныя: курыца ў кары за паўгадзіны, прычым незвычайная

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць