У Бабруйску затрымалі 53‑гадовага іншаземца, у якога дома і ў гаражы знайшлі некалькі адзінак зброі і боепрыпасы. Пра гэта паведаміла прэс-служба МУС.

Скрыншот з відэа
Падчас аператыўных мерапрыемстваў сілавікі канфіскавалі пісталет ТТ, два рэвальверы і патроны часоў Другой сусветнай вайны.
Высветлілася, што мужчына легальна набыў сігнальную зброю ў сваёй краіне і прывёз яе ў Беларусь. Будучы вайсковым пенсіянерам, ён самастойна перарабіў яе ў агнястрэльную.
Боепрыпасы мужчына здабываў падчас незаконных раскопак з выкарыстаннем металашукальніка.
У дачыненні да затрыманага распачалі крымінальную справу. У міліцыі таксама нагадалі, што добраахвотная здача незарэгістраванай зброі і боепрыпасаў вызваляе ад крымінальнай адказнасці.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары