Свет33

У Мексіцы памёр адзін з найбуйнейшых наркабаронаў у гісторыі

У Мексіцы ва ўзросце 80 гадоў памёр у бальніцы адзін з найбуйнейшых наркабаронаў у гісторыі Мігель Анхель Фелікс Гальярда, вядомы таксама як «хросны бацька» і «бос усіх босаў», піша Бі-бі-сі.

Мігель Анхель Фелікс Гальярда. Фота: AP

У 1980‑я гады Гальярда ўзначальваў магутны картэль Гвадалахары, які дамінаваў у мексіканскім наркабізнэсе ў перыяд буму какаіну. Гальярда стварыў саюз паміж мексіканскімі і калумбійскімі злачыннымі групоўкамі і фактычна змяніў прынцыпы кантрабанды наркотыкаў у рэгіёне. Яго арганізацыя супрацоўнічала з Медэльінскім картэлем Пабла Эскабара, аб'яднаўшы вытворчасць какаіну ў Андах з перавозкай наркотыкаў праз Мексіку ў ЗША.

Паводле ацэнак, у пэўны перыяд да 80% усяго какаіну, які трапляў у ЗША, пастаўляў Медэльінскі картэль. Гальярда і яго арганізацыя адыгрывалі ключавую ролю ў гэтай кантрабандзе. Уплыў картэля распаўсюджваўся не толькі на злачынны свет: на піку магутнасці ён меў вялікія магчымасці ўздзейнічаць на мексіканскую палітыку і праваахоўныя органы, кантраляваў цэлыя сеткі паліцыі і пасады губернатараў у штатах.

У 1985 годзе становішча кіраўнікоў картэля пачало пагаршацца пасля катаванняў і забойства агента амерыканскага Упраўлення ў барацьбе з наркотыкамі Энрыке «Кікі» Камарэны. Ён знайшоў і знішчыў вялізную плантацыю марыхуаны, якая належала групоўцы і знаходзілася ў штаце Чыхуахуа. Забойства агента стала прычынай адной з найбуйнейшых у гісторыі Паўночнай Амерыкі аперацый уладаў ЗША па вышуку злачынцаў.

У 1989 годзе Гальярда арыштавалі і прысудзілі да працяглага турэмнага зняволення. З таго часу ён знаходзіўся пад вартай. У 2022 годзе праз пагаршэнне здароўя яго планавалі перавесці пад хатні арышт, але гэта не адбылося праз тэхнічныя праблемы з электронным бранзалетам. У выніку ён памёр у бальніцы роднага горада Гвадалахара, куды яго шпіталізавалі ў пачатку тыдня. Падчас знаходжання ў бальніцы тэрыторыю вакол яе ахоўвала мексіканская турэмная паліцыя.

У 1980‑я гады з Гальярдам пазнаёміўся Хаакін «Эль Чапа» Гусман. Наркабарон даручыў яму займацца лагістыкай сваёй арганізацыі. Пасля арышту Гальярда ягоны картэль распаўся, а на яго аснове ўзнікла некалькі новых злачынных структур. Адной з іх стаў картэль Сіналоа, які ўзначаліў Гусман.

У 2019 годзе пасля аднаго з самых гучных судовых працэсаў у сучаснай гісторыі ЗША Гусмана прысудзілі да пажыццёвага зняволення. Яго прызналі вінаватым, у тым ліку, у наркатрафіку і адмыванні грошай.

Жыццё Гальярда стала асновай для некалькіх тэлевізійных праектаў, у тым ліку серыяла Netflix «Наркас: Мексіка», дзе паказаныя яго шлях да вяршыні злачыннай іерархіі і адносіны з Эль Чапам.

Каментары3

  • %
    16.11.2026
    Туды і дарога, і гэдак даволі моцна затрымаўся тут.
    А серыял добра зроблены
  • Гравітацыя непераадольна
    16.11.2026
    Трэба вось іх і паказваць у канцы жыцця - старымі, адзінокімі, жалкімі. Як Скарсэзэ гэта зрабіў з гангстэрамі ў "Ірландцы".

    Гальярда паўжыцця быў у турме: меньш за 10 год ён быў багаты, а 37 за кратамі. У яго быў клан пляменнікаў, што апасля яго арышту "трымаў" Ціхуану: з 7 братоў 2 забілі, 3 пасадзілі. Статыстыка ня вельмі. Яшчэ і дзяцей у бізнэс цягнуць, якім потым таксама альбо турма, альбо скачы па гарах, пакуль салдаты не заб'юць.

    Падаецца, толькі гэты Амада Фуэнтэс памёр нечакана сам, таму стаў легендаю, што з гэтага жыцця ёсць трэці выхад.
  • Лапоть
    16.11.2026
    Гравітацыя непераадольна, лучший фильм Скорсезе про гангстеров и их концовку - Казино, всем рекомендую, но только в авторском переводе

Цяпер чытаюць

На канцэрт Кадышавай у Мінску ў какошніках прыйшлі нават мужчыны73

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны73

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць