Здароўе

Tech neck: што смартфоны робяць з нашым целам?

Вы ведалі, што празмернае карыстанне смартфонамі не толькі шкодзіць паставе, але можа змяніць наша цела? Распавядаем, што такое tech neck і як захаваць здароўе, калі карыстаецеся смартфонам.

Крыніца: regionalneurological.com

Што такое «tech neck»?

Гэта новы тэрмін, які з'явіўся падчас пандэміі. Азначае ваш стан, адчуванні, якія ўзнікаюць праз тое, што вы зашмат глядзіце ў свой тэлефон.

А чаму толькі цяпер з'явіўся гэты тэрмін, калі смартфоны былі і раней?

Пандэмія зрабіла сітуацыю нашмат горшай. Праз ізаляцыю людзі былі вымушаныя стасавацца з іншымі праз смартфоны. 

А як менавіта гэта шкодзіць шыі?

Аўстралійская асацыяцыя хірапрактыкі сцвярджае, што празмернае выкарыстанне мабільных прылад змяняе форму нашага цела. Напрыклад, вы трымаеце тэлефон пад вуглом, які змушае вас апусціць галаву на 60 градусаў. Гэта стварае прыкладна 27 кілаграмаў дадатковай нагрузкі на ваш хрыбет. Цяпер уявіце, што вы робіце гэта на працягу некалькіх гадзін кожны дзень. Гэта змушае пастаянна гнуцца і моцна шкодзіць спіне.

Смартфоны шкодзяць толькі хрыбту?

Не. Існуе таксама гэтак званы сіндром «тэлефоннага пальца», калі вялікі палец запаляецца праз празмерную нагрузку падчас карыстання тэлефонам. Яшчэ сіняе святло ад экранаў (не толькі смартфонаў) можа дрэнна ўплываць на выпрацоўку мелатаніну і якасць сну. А нагрузка на вочы можа пашкодзіць зрок. А яшчэ некалькі гадоў таму была выказаная гіпотэза, згодна з якой у людзей хутка пачнуць расці касцявыя шпоры каля асновы чэрапа, каб збалансаваць нагрузку на шыю, якую выклікае карыстанне смартфонамі.

Дык што рабіць?

Дактары падказваюць добрую і лёгкую гімнастыку, каб пазбегнуць праблем з хрыбтом. Каб яе выканаць, счапіце пальцы за галавой і ўпірайцеся локцямі ў сцяну — рабіце так некалькі разоў на дзень ці кожны раз, калі адчуеце стомленасць спіны.

Можа, нешта яшчэ?

Старайцеся трымаць тэлефон на ўзроўні вачэй, каб паменшыць ціск на хрыбет. Таксама пастарайцеся падчас дня заставацца актыўным — то бок, рэгулярна выконвайце хаця б мінімум фізічных практыкаванняў.

А які найлепшы спосаб пазбегнуць праблем праз карыстанне смартфонам?

Усё вельмі проста — меней карыстацца смартфонам. Скажыце сабе: «Найлепшы спосаб пазбегнуць праблем з хрыбтом — гэта пакласці тэлефон на месца». 

Як змагацца з храпам? Пяць спосабаў

Вучоныя знайшлі матывацыю для мужчын пазбавіцца ад «піўнога» жывата. І гэта смяротная небяспека

У якой позе мы спім? Гэта мае вялізнае значэнне

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць