Грамадства

«Няма пацвярджэння». Баскаў упершыню пракаментаваў сваю датычнасць да смерці Рамана Бандарэнкі

Былы кіраўнік ФХБ, а цяпер член Савета Рэспублікі Дзмітрый Баскаў стаў героем шоу «Скажинемолчи» на адным з дзяржканалаў, дзе выказаўся пра ўласную дыскваліфікацыю і забойства Рамана Бандарэнкі, хоць вядучыя праграмы прама пра гэта так і не спыталі, піша «Трыбуна».

У інтэрвʼю з Баскавым гаворка зайшла пра яго адхіленне і пяцігадовы бан на хакейную дзейнасць, выпісаны Міжнароднай федэрацыяй хакея за ціск на спартсменаў па палітычных матывах, а таксама магчымае дачыненне да забойства Рамана Бандарэнкі восенню 2020 года.

Баскаў назваў гэта «нейкай справай на падставе нейкіх незразумелых і нелагічных лістоў ад зноў жа незразумелых нейкіх там фондаў».

— Рашэнне сысці было спантанным, але вымушаным у той момант. Дысцыплінарны Камітэт IIHF цягам паўгода спрабаваў расследаваць нейкую справу ў дачыненні да мяне на падставе нейкіх незразумелых і нелагічных лістоў ад зноў жа незразумелых для мяне нейкіх там фондаў спартыўных або салідарных [Беларускі фонд спартыўнай салідарнасці], я нават не хачу іх наогул называць.

Гэта было нечаканым для мяне, таму што я ўсё ж такі думаў, што здаровы сэнс пераможа, і тыя абвінавачванні, якія былі на мой адрас ад гэтых фондаў ці некага там яшчэ, яны зусім неабгрунтаваныя.

Я нармальны грамадзянін сваёй краіны, я ездзіў на аўтапрабегі, закон не парушаў, і няма ніводнага ні юрыдычнага, ні нейкага іншага пацверджання таго, што я рабіў нешта супрацьзаконнае або няправільнае, ‒ сказаў Баскаў.

Цікава выказаўся Баскаў і пра прыезд кіраўніка Міжнароднай федэрацыі хакея Рэнэ Фазэля ў Мінск у 2020 годзе.

— Ён спецыяльна некалькі дзён правёў у Мінску, прыйшоў тады да мяне і сказаў: «Паслухай, я ўсё ўбачыў, усё ў парадку, краіна квітнее, развіваецца, дзеці гуляюць, моладзь усміхаецца. Але свет з'ехаў з глузду», — перадае словы Фазэля Баскаў.

З'явілася дадатковае расследаванне па смерці Бандарэнкі. Якія новыя рэчы адтуль вядомыя?

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць