Грамадства

Пранкер, які перад рэферэндумам дрэсіраваў беларускіх педагогаў, выйшаў на расійскі прастор. І зноў паспяхова 

Беларускі пранкер Улад Бохан, які перад нядаўнім «рэферэндумам» у Беларусі стаў вядомы тым, што рассылаў ад імя дзяржаўных арганізацый у школы патрабаванні калектыўна здымацца з праўладнымі лозунгамі і сімволікай ды дасылаць яму на электронную пошту справаздачы, правёў той жа фінт з расійскімі педагогамі. І зноў паспяхова.

Бохан, які з'ехаў з Беларусі ад палітычнага пераследу і цяпер жыве ў Польшчы, даслаў гэтым разам ліст у школу падмаскоўнага горада Клін. У лісце ён запатрабаваў правесці акцыю «Праца вызваляе» ад імя «рэгіянальнага аддзялення партыі «Адзіная Расея» і даслаць фотасправаздачу. Эфект быў той жа, што і ў Беларусі: на наступны дзень Бохан атрымаў здымкі.

Сам Улад сваю акцыю розыгрышам не лічыць: «Гэта не пранк, бо мэта пранка — смех. Гэта ж — акцыя, якая выкрывае страшную і абсурдную іронію рэчаіснасці, якая адбылася вакол нас», — напісаў ён.

З ім можна пагадзіцца хоць бы таму, што фразы «Адзін народ, адна нацыя, адзін правіцель» і «Праца вызваляе» — зусім не выпадковыя. Іх (Ein Volk, ein Reich, ein Führer і Arbeit macht frei) актыўна выкарыстоўвалі ў сваёй прапагандзе нямецкія нацысты. Фразу Arbeit macht frei яны сярод іншага цынічна пісалі і на брамах многіх канцлагераў, у тым ліку тых, дзе масава знішчалі ні ў чым невінаватых людзей. Але нават у педагогаў у краіне, дзе шмат гадоў пашыраны афіцыёзны маштабны культ «Вялікай Айчыннай вайны», ніякіх асацыяцый і паралеляў у сувязі з гэтым не ўзнікае.

Чытайце таксама:

Пранкеры плануюць новыя акцыі «ў падтрымку рэферэндуму», улады заклікаюць павысіць пільнасць 

У школы разаслалі фэйкавыя лісты нібыта ад «Белай Русі» з патрабаваннем правесці акцыі за рэферэндум. Настаўнікі падпарадкаваліся

Хакеры прыкінуліся чыноўнікамі і адправілі бюджэтнікам газету з Бабарыкам на першай старонцы з просьбай яе пачытаць. «Даручэнне» выканалі

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць