Грамадства88

«Кейс Сахашчыка»: а колькі яшчэ палкоўнікаў і генералаў беларускай арміі маюць пад падушкай расійскі пашпарт? 

Учора высветлілася, што Валерый Сахашчык, «міністр абароны» ў пераходным кабінеце Святланы Ціханоўскай, атрымаў расійскі пашпарт пасля развалу СССР як вайсковец, а ў наступным карыстаўся ім у перыяд актыўнага бізнэсу ў Афрыцы, калі ўжо даўно не служыў. Але веданне гэтага факта нараджае іншае пытанне — а колькі дзейных палкоўнікаў лукашэнкаўскіх узброеных сілаў трымаюць расійскія пашпарты пад падушкай? Вось што кажуць апытаныя «Нашай Нівай» афіцэры. 

Ілюстрацыйны здымак. Фота: Мінабароны

Цяпер валодаць расійскімі пашпартамі могуць тыя беларускія афіцэры, якія пачыналі службу за часамі СССР. А гэта значыць, што ад падпалкоўнікаў (калі не пашчасціла) да генералаў. Усё высокапастаўленыя кадры. 

Намеранай работы па выяўленні ўласнікаў расійскіх пашпартоў контрвыведкай і службамі ўласнай бяспекі беларускіх сілавых ведамстваў, кажуць нашы суразмоўцы, не вядзецца. 

Збольшага пра такія выпадкі, як і з Сахашчыкам, становіцца вядома выпадкова. 

«У МУС такіх спрабавалі выяўляць і выціскаць з ведамства, дакладна памятаю адзін момант са звальненнем палкоўніка са штаба МУС, які атрымаў расійскае грамадзянства ў 1993-м, калі быў вайскоўцам. Праводзілася доўгая праверка законнасці атрымання расійскага грамадзянства і афіцыйная выснова стала такой: пашпарт РФ і знаходжанне на службе ў органах унутраных спраў несумяшчальныя.

Але тут ёсць нюанс, што ён выпадкова сам выдаў гэты момант сваёй біяграфіі. Рэальнасць жа наступная — ніхто мэтава расійскае грамадзянства не выяўляе. Галоўнае, каб не было карты паляка, вось у гэты бок Упраўленне ўласнай бяспекі рые», — сказаў нам высокапастаўлены міліцыянер. 

«Да канца нулявых праскоквалі выпадкі, што звальнялі тых, у каго выяўлялі расійскі пашпарт. Ведаю пра выпадковыя выяўленні. Калі хто разумны, то яны, пэўна, зрабілі высновы і заціхарыліся. А Сахашчыка не асуджаю, я так разумею, што на момант перавыдання пашпарта ён у краіне не жыў, у войску не служыў, займаўся бізнэсам і карыстаўся чужым пашпартам у бізнэс-інтарэсах», — сказаў іншы афіцэр. 

Нашы суразмоўцы кажуць, што праз недасяжнасць расійскіх пашпартных баз выявіць колькасць афіцэраў-«расіянаў» немагчыма, усё толькі ў тэорыі. 

«У нас шмат хто з былых афармляюць ВНЖ у Расіі, каб атрымліваць вайсковую пенсію там. У большасці на гэтым моманце нічога не ёкае. Думаю, што такіх, хто трымае пад падушкай расійскі пашпарт на ўсялякі выпадак, — нямала.

Пераважна ўсе яны ў Генштабе і цэнтральным апараце Міністэрства абароны, сыходзячы з магчымасцяў па ўзросце. Думаю, добра было б праверыць на факт наяўнасці расійскага пашпарта спадара Белаконева. Зрэшты, вядомыя выпадкі, што асобныя афіцэры кіруючых вайсковых органаў прыязджаюць на работу на машыне з расійскімі нумарамі», — сказаў высокапастаўлены ваенны. 

«У цэлым з існай сістэмай нічога незвычайнага ў прывязанасці да Расіі няма. Для афіцэршчыны гэта і ідал, і карміцелька. Калі былі крызісы ды дэвальвацыі, у Расію многія з'язджалі проста на працу, паслаўшы службу. Даходзіла да таго, што жонкі афіцэраў прыносілі рапарты, спецсродкі, пасведчанне службовае, матэрыялы, а на пытанне, дзе муж, адказвалі, што ўжо колькі дзён, як у Смаленску на будоўлі, бо жыць няма за што», — сказаў яшчэ адзін наш суразмоўца. 

«Наша Ніва» спытала ў прадстаўнікоў «Байпол», ці ацэньвалі яны колькасць грамадзян Расіі ў вышэйшых эшалонах сілавікоў, але яны сказалі, што не маюць такой інфармацыі, дапусціўшы, што «такіх нямала». 

Каментары8

  • Давно так
    14.09.2022
    Кто платит, тот и заказывает музыку.
     Нутро лукашенко ничем не отличается от внутренностей путина, такая же российская черносотенность при разных, финансовых возможностях.
    лукашенко никогда не прятал факт претендования на российский трон в Кремле, многочисленные оговорки по фрейду, когда, лукашенко, объявлял себя президентом России на разных государственных мероприятиях. Да и вспомните воспоминания неудавшегося заговорщика Федуты, о походе лукашенко в Кремль за шапкой мономаха сразу после захвата власти в Беларуси в 1994 году.
    Поймите, такая же сра...нь во всех силовых структурах Беларуси, в этих структурах, полковники, майоры и генералы никогда не рассматривали Беларусь и Беларусов, как самостоятельную нацию с своими национальными интересами, в своей национальной, независимой, самостоятельной  стране.
    Также и  мантры лукашенко о "независимости" и "суверенитете" Беларуси, надо рассматривать как его, семейный суверенитет над белорусами и их территорией, который обеспечивается силовыми структурами под командованием полковников, генералов, майоров с российскими паспортами и российским гражданством. До последнего, лукашенко, не рассматривает угрозы своему суверенитету, суверенитету своей семьи над Беларусью и Беларусами с стороны власти России, чего не скажешь о Польше и Прибалтике.
     Имеем лукашенковскую Беларусь, как часть "русского мира", под управлением полковников и генералов с российскими паспортами и российским гражданством, как в лугандонии Украины.
  • Kenny
    14.09.2022
    Да..уя!
  • *
    14.09.2022
    ВЕЛЬМІ ШМАТ. ВЕЛЬМ, калі не ўсе
    Дарэчы - добра што гэта ўскрылі. Гэта сьведчыць якая насамрэч наша армія, міліцыя і гэбэ

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць