Грамадства3333

Пазняк падтрымаў Сахашчыка: Наперадзе перамога Украіны і вызваленне Беларусі

Кіраўнік Кансерватыўна-хрысціянскай партыі БНФ Зянон Пазняк рэзка выказаўся супраць крытыкі сябра Аб'яднанага пераходнага кабінета пры Святлане Ціханоўскай падпалкоўніка Валерыя Сахашчыка за наяўнасць у яго расійскага пашпарта. На думку Пазняка, як «сведчанне яго «павязанасці» з рашай» гэты факт нікчэмны.

Пазняк піша:

«Людзі, якія адпадаюць, адмаўляюцца і выходзяць прэч з рэжымнай сістэмы, як правіла, зазнаюць пераслед з боку сістэмы, часам вельмі жорсткі…

Падпалкоўнік Валеры Сахашчык стаў дысідэнтам сістэмы, але шлейф сістэмы будзе цягнуцца за ім і душыць сведчаннем павязанасці з яе існаваннем».

Тое, што КДБ «праз падстаўных асобаў» выклаў у інтэрнэт фотакопію расійскага пашпарта Сахашчыка, паводле Пазняка, не сведчыць пра яго сувязі з Расіяй. Ён лічыць, што сведчанне гэта «нікчэмнае, мае сваё тлумачэнне (звычайна «вяжуць» крывёй, карупцыяй, вярбоўкай спецслужбаў ды грашыма)».

Нікчэмны і «вэрхал, усчаты ў СМІ і ў сацыяльных сетках», і выкладзеныя здымкі Сахашчыка ў некаторых сітуацыях, якія падаліся карыстальнікамі інтэрнэта пікантнымі: «то ён стаіць пад партрэтам прэзідэнта Башара Асада і ганарыцца здымкам, то ў групе будаўнікоў сваёй будаўнічай фірмы і паведамляе, што фірма пабудавала гмах Інстытута ФСБ у Калінінградзе, то ён сфатаграфаваны з нейкай жанчынай на руках (у сапраўднасці гэта яго жонка) і г. д.»

«Не паведамілі толькі яшчэ, што ён быў ідэйным камуністам і членам КПСС (з якой развітаўся, дарэчы, за паўгода да путчу)», — іранізуе Пазняк.

Ён перакананы:

«Усё накіравана на тое, каб стварыць уражанне, што Сахашчык не парваў з рашысцка-лукашысцкай сістэмай, што давяраць яму нельга, глядзіце, маўляў, беларусы «будьте бдітельны» — клапоціцца гэб'ё». 

Пазняк вылучае адразу некалькі схаваных прычын рэжымнай атакі на падпалкоўніка Сахашчыка.

«Першая — гэта яго прафесійная функцыя ў стварэнні аддзелаў Беларускага вызвольнага войска.

Другая — гэта падтрымка антываеннай, антыакупацыйнай пазіцыі Сахашчыка з боку маёй асобы як сябра БНС нацыянальна-вызвольнага руху «Вольная Беларусь» (што звычайна напружвае антыбеларускі рэжым).

Трэцяя прычына вынікае з матывацыі ўзбудзіць непрыняцце асобы Сахашчыка ў асяроддзі беларусаў нацыянальна-вызвольнага руху.

Чацвёртая прычына (бадай што, галоўная) абгрунтаваная матывацыяй узбудзіць недавер да асобы падпалкоўніка Валерыя Сахашчыка ва Украіне і ва ўкраінскага кіраўніцтва, бо якраз там, ва Украіне, можна фармаваць беларускія ваенныя аддзелы і змагацца з рашысцкім акупантам у шэрагах украінскай арміі».

Лідар КХП адмыслова звяртае ўвагу на тыя пакуты і цяжкасці, якія церпіць Сахашчык за сваю дысідэнцкую пазіцыю:

«Вялікае напружанне. Падводзіць здароўе. Паехаць у Беларусь ратаваць бацькоў — немагчыма. Там чакае турма альбо па крымінальным лукашысцкім законе — расстрэл».

Тым не менш, ён выказвае ўпэўненасць, што нягледзячы ні на якія цяжкасці «лукашысцка-рашысцкай агентуры не ўдасца заблакаваць ініцыятыву па стварэнні аддзелаў Беларускага войска. Наперадзе перамога Украіны і вызваленне Беларусі».

Чытайце таксама:

«Кейс Сахашчыка»: а колькі яшчэ палкоўнікаў і генералаў беларускай арміі маюць пад падушкай расійскі пашпарт? 

Спецслужбы пры ператрусе знайшлі ў Сахашчыка расійскі пашпарт. Як гэта тлумачыць сам афіцэр?

Каментары33

  • За дакладнасьць !
    16.09.2022
    Што ты спадар Пазьняк такое лепіш? Не, я ня супраць, хай так, але, дзеля дакладнасьці, Бабарыка выйшаў з сыстэмы (а ён у сыстэму і не ўваходзіў), і сыстэма, як ты й кажаш, люта адпомсьціла ў адказ. Але, у выпадку з Бабарыкам, у цябе зусім іншыя эпітэты гучалі. Чаму ? Таму, што ён церпіць пакуты й цяжкасьці не за дысыдэнцкую дзейнасьць, як Сахашчык ? Пасьлядоўнасьці табе, сп. Пазьняк, не стае, ды й ня толькі яе...
  • Ян Норман
    16.09.2022
    За дакладнасьць !, Калі ужо быць цалкам дакладным,то трэба нагадаць,што асноўнае пытанне па Бабарыку-яго шматгадовае знаходжанне у сыстеме Газпрам- ГБ-АП РФ.Ці выйшаў ён з ГЭТАЙ сыстэмы?Вы упэўнены?)А "люта помсціць" яму зусім другая сыстэма і усім гэта добра зразумела.Ну,прынамсі,тым хто здолен убачыць як немудрагеліста вы выкарыстоўваеце прыёмы элементарнай дэмагогіі у спрэчцы.
  • Так
    16.09.2022
    Цалкам слушна. Пазьняк як заўседы мае рацию!

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць