Грамадства11

У Беластоку адкрыўся беларускі хаб «Новая Зямля»

Хаб «Новая Зямля» ў Беластоку — гэта адкрытая пляцоўка для разнастайных культурніцкіх і адукацыйных ініцыятыў, якая прэзентуе сябе як прастору вольных беларусаў. 30 верасня хаб «Новая Зямля» быў зарэгістраваны як недзяржаўная арганізацыя ў Польшчы, а актывістам удалося знайсці для яго вялікае памяшканне, піша Радыё Рацыя.

Надзея Салаўёва, адна з ініцыятарак з’яўлення беларускага хаба ў Беластоку, гаворыць пра яго:

«Гэта прастора вольных беларусаў, дзе кожная арганізацыя, ініцыятыва, актывіст можа прыйсці і зладзіць сваю ідэю ці праект. Калі няма ідэі ці праекта, але ёсць задума, то мы можам дапамагчы давесці яе да ладу. Гэта такое месца для прыцягнення беларусаў, для захавання беларускай ідэнтычнасці, культуры. Дзе мы можам нешта рабіць і працаваць на карысць будучай дэмакратычнай Бацькаўшчыны».

Госцем адкрыцця прасторы быў сярод іншых прафесар Алег Латышонак, які распавёў пра сваё разуменне назвы беларускага хаба «Новая Зямля»:

«Я гэта разумею так, што беларусы, якія сюды прыехалі, знайшлі новую зямлю. Новая зямля па-коласаўску — гэта таксама свая зямля. Вядома, што большасць, што страціла сваю зямлю — сімвалічна яна ў Беларусі. Але думаю што знайшлі тут новую, і што гэта будзе іхняя зямля. Таксама спадзяюся, што новыя беларусы знойдуць тут сваё месца. Яны — наша надзея».

На адкрыцці беларускага хаба выступілі музыкі Кацярына Ваданосава, якой дапамагала дачка Стэфа, а таксама Ігар Палынскі.

Хаб «Новая Зямля» анансаваў стварэнне інтэрнэт-старонкі, дзе будзе размешчаны каляндар падзей, а цяпер за дзейнасцю прасторы можна сачыць праз сацыяльныя сеткі.

Размешчаны хаб каля беластоцкага аўтавакзала па вуліцы Wyszyńskiego 6A, і пакуль што будзе адкрыты толькі падчас мерапрыемстваў.

Каментары1

  • Mike
    04.12.2022
    Добрая справа, карысная

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць