Улада

У жыхаркі Драгічына, памерлай ад пнеўманіі, лабараторна пацверджаны вірус грыпу А(Н1N1)

Гэта першы афіцыйна пацверджаны ў Беларусі выпадак смерці, выкліканай вірусам грыпу А(Н1N1)

У 37‑гадовай жыхаркі Драгічына, памерлай ад пнеўманіі 30 кастрычніка, лабараторна пацверджаны вірус грыпу А(Н1N1).

Пра гэта паведаміў галоўны дзяржаўны санітарны ўрач Брэсцкай вобласці Алег Арнаутаў на прэс‑канферэнцыі ў Брэсце 3 лістапада.

Гэта першы афіцыйна пацверджаны ў Беларусі выпадак смерці, выкліканай вірусам грыпу А(Н1N1).

Паводле слоў Арнаутава, наяўнасць вірусу пацвердзіла першае лабараторнае даследаванне, якое было праведзена вірусалагічнай лабараторыяй Брэсцкага абласнога цэнтра гігіены, эпідэміялогіі і грамадскага здароўя.

«Цяпер матэрыялы знаходзяцца ў нацыянальным цэнтры грыпу Рэспубліканскага навукова‑даследчага інстытута эпідэміялогіі і мікрабіялогіі, дзе будуць або пацверджаны вынікі нашых даследаванняў, або адменены», — паведаміў спецыяліст.

Паводле слоў Арнаутава, у дачкі памерлай жанчыны вірус грыпу A(H1N1) пакуль не выяўлены.

Шаснаццацігадовая школьніца праходзіць лячэнне ў стацыянары.

Як паведаміў дзяржаўны санітарны ўрач Драгічынскага раёна Міхаіл Стахейка, 37‑гадовая жыхарка Драгічына, настаўніца Толкаўскай базавай школы, звярнулася па медыцынскую дапамогу 26 кастрычніка. Яна скардзілася на высокую тэмпературу, галаўны боль, слабасць і паведаміла, што захварэла 23 кастрычніка.

У той жа дзень жанчына была шпіталізавана ў Драгічынскую цэнтральную раённую бальніцу, дзе ёй паставілі дыягназ «нешпітальная двухбаковая полісегментарная пнеўманія».

Хворай прызначылі антыбактэрыяльнае і супрацьвіруснае лячэнне. 28 кастрычніка яе кансультавалі тры спецыялісты з Брэста.

Нягледзячы на намаганні медыкаў, 30 кастрычніка ў 1.45 хворая памерла. Праведзенае анатамаванне пацвердзіла пастаўлены медыкамі дыягназ.

Раніцай 30 кастрычніка адпаведныя матэрыялы былі накіраваны ў Брэст для правядзення лабараторных даследаванняў.

Як падкрэсліў Стахейка, устаноўлена, што 10 кастрычніка жанчына знаходзілася ва Украіне, у горадзе Ковелі. У загінулай быў шэраг спадарожных захворванняў, якія маглі ўскладніць цячэнне пнеўманіі.

28 кастрычніка была шпіталізавана 16‑гадовая дачка жанчыны. Яе стан здавальняючы і не выклікае асцярог. 31 кастрычніка ў Брэст у вірусалагічную лабараторыю былі накіраваны аналізы, узятыя ў школьніцы, а таксама ва ўсіх людзей, якія кантактавалі з ёю і яе загінулай маці і ў якіх былі выяўлены сімптомы ВРВІ. На гэты час вынікі лабараторных даследаванняў аналізаў гэтых асоб невядомы.

Усе навіны на тэму эпідэміі грыпу, парады, даведкі і жарты

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць