Навука і тэхналогіі

Навукоўцы стварылі ядомы акумулятар

Глытаць батарэйкі не рэкамендуецца. Але часам медыцынскія прыборы, прызначаныя для глытання, усё ж утрымліваюць элементы сілкавання. Новы тып ядомых батарэй можа зрабіць такія прылады больш бяспечнымі для выкарыстання.

Ядомыя батарэі
Фота: opentalk.iit.it

Эксперыментальная ядомая батарэя распрацаваная ў італьянскім тэхналагічным інстытуце (IIT). У яе аснове ляжаць біяхімічныя акісляльна-аднаўленчыя рэакцыі, падобныя на тыя, што выпрацоўваюць энергію ў клетках чалавека і іншых жывёл.

Анод батарэі складаецца з рыбафлавіну (ён жа вітамін В2), а катод — з кверцэтыну. Абодва рэчывы ўтрымліваюцца ў прыродзе ў розных раслінах і іншых прадуктах харчавання. Для павышэння праводнасці дадаткова выкарыстоўваецца актываваны вугаль.

Электраліт заснаваны на вадзе, а сепаратар (пранікальная мембрана паміж анодам і катодам, якая прадухіляе кароткія замыканні) выраблены з марскіх водарасцяў норы, якія звычайна выкарыстоўваюцца ў сушы. Нарэшце, два кантакты з харчовай залатой фольгі на анодзе і катодзе пакрытыя пчаліным воскам.

Пасля зарадкі акумулятар выдае 0,65 вольта і здольны забяспечыць ток у 48 мікраампер на працягу 12 хвілін або некалькіх мікраампер цягам гадзіны. Хоць гэта не вельмі ўражвае, па словах навукоўцаў, гэтага дастаткова, каб сілкаваць невялікія электронныя прылады, такія як святлодыёды з нізкім энергаспажываннем.

Па словах вядучага аўтара даследавання Марыё Кайроні, такія батарэйкі могуць стаць асновай для ядомых прылад і датчыкаў, якія дазволяць кантраляваць стан здароўя пацыентаў. Таксама яны могуць быць карысныя пры стварэнні кампактных сэнсараў для маніторынгу ўмоў захоўвання ежы.

Яшчэ адна патэнцыйная сфера выкарыстання — электронныя дзіцячыя цацкі, для якіх высокая рызыка праглынання. Калі дзіця ўсё ж праглыне такую цацку, можна будзе прынамсі не турбавацца адносна таго, што яно атруціцца таксічным электралітам.

На гэты момант навукоўцы працуюць над стварэннем ядомых батарэек большай магутнасці і меншага памеру. Апісанне распрацоўкі апублікаванае ў часопісе Advanced Materials.

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць