Навука і тэхналогіі

Даследчыкі стварылі акуляры-санары, якія адсочваюць рухі твару для бясшумнай камунікацыі

Прататып счытвае бясшумныя каманды з дакладнасцю каля 95 адсоткаў.

Фота: Ruidong Zhang / Cornell University

Даследчык і аспірант з Cornell University Руідонг Жанг распрацаваў акуляры-санары, якія «чуюць» вас, нават калі вы бясшумна варушыце вуснамі, амаль не прамаўляючы ўголас. Усталяваныя на акулярах малюсенькія мікрафоны і дынамікі дазваляюць, напрыклад, аддаваць каманду прыпыніць або прапусціць музычную кампазіцыю, уводзіць паролі без выкарыстання клавіятуры ці працаваць у некаторых праграмах без неабходнасці мануальнага ўводу даных.

Сістэме патрабуецца ўсяго некалькі хвілін навучальных даных (напрыклад, чытанне серыі лічбаў), каб вывучыць маўленчыя ўзоры карыстальніка. Затым, як толькі дэвайс гатовы да працы, ён адпраўляе і прымае гукавыя хвалі, счытваючы рухі вуснаў і выкарыстоўваючы пры гэтым алгарытм глыбокага навучання для аналізу рэха-профіляў у рэжыме рэальнага часу «прыкладна з 95-адсоткавай дакладнасцю».

Пры гэтым апрацоўка даных адбываецца на вашым смартфоне (па бесправадной сувязі), паведамляе Engaget. Гэта дазваляе прыладзе мець невялікі памер. Бягучая версія прапануе каля 10 гадзін аўтаномнай працы. Акрамя таго, сцвярджаецца, што ніякія даныя не пакідаюць ваш тэлефон, ухіляючы асцярогі, звязаныя з прыватнасцю. 

Сапраўды канфідэнцыйнасць даных тут уяўляе сабой важны фактар, калі разглядаць патэнцыйнае выкарыстанне прылады ў рэальным свеце. Стваральнік прапануе выкарыстоўваць такія акуляры, напрыклад, для кіравання прайграваннем музыкі (без выкарыстання рук і вачэй) у ціхай бібліятэцы або для дыктоўкі паведамлення на гучным канцэрце, дзе стандартныя варыянты ўводу тэксту не вельмі зручныя.

Але ж, бадай, самая захапляльная перспектыва — гэта выкарыстанне вынаходкі людзьмі з парушэннямі маўлення для бязгучнай перадачы слоў у галасавы сінтэзатар, які можа потым прамаўляць словы гучна і ўголас.

Фота: Ruidong Zhang / Cornell University

Зараз каманда Cornell's Smart Computer Interfaces for Future Interactions Lab вывучае камерцыялізацыю гэтай тэхналогіі з дапамогай праграмы фінансавання Cornell. Яны таксама разглядаюць дадаткі да разумных акуляраў для адсочвання рухаў твару, вачэй і верхняй часткі цела. Даследчыкі лічаць, што «шкло будзе важнай персанальнай вылічальнай платформай для разумення дзейнасці чалавека ў штодзённых умовах».

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка4

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка4

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць