Вайна22

Прыгожын вяртае прыхільнасць Пуціна — ISW

Цяпер аналітыкам незразумела, наколькі Пуцін давярае Прыгожыну, але цалкам верагодна, што расійскі кіраўнік спыніў намаганні расійскага Мінабароны адпомсціць «Вагнеру», адмовіўшы ў падмацаванні і боепрыпасах, адзначаюць аналітыкі.

Яўген Прыгожын, расійскі мільярдэр і кіраўнік групоўкі «Вагнер». Фота з ягонага тэлеграм-канала

Аналітыкі Інстытута вывучэння вайны (ISW) заўважылі, што заснавальнік групы «Вагнер» Яўген Прыгожын вяртае сабе прыхільнасць Уладзіміра Пуціна.

У справаздачы інстытута гаворыцца пра тое, што Прыгожын, падобна, вяртае сабе прыхільнасць Пуціна, верагодна, у выніку няздольнасці расійскіх рэгулярных войскаў выканаць задачы, якія Пуцін паставіў перад імі падчас зімовага наступу на Данбасе.

Сілы «Вагнера», падобна, атрымліваюць падмацаванне, боепрыпасы і палітычнае прызнанне — што з'яўляецца рэзкім адхіленнем ад папярэдніх намаганняў Крамля, накіраваных на выкарыстанне сіл ПВК і Прыгожына ў Бахмуце прынамсі са студзеня 2023 года.

17 красавіка крыніцы, звязаныя з «Вагнерам», паведамілі, што група рыхтуе да трох мотастралковых брыгад мабілізаваных вайскоўцаў для ўзмацнення флангаў у Бахмуце.

Прыгожын таксама пацвердзіў, што расійскія паветрана-дэсантныя войскі дзейнічаюць побач з «Вагнерам» і паказаў, што ПВК актыўна атрымлівае артылерыйскія снарады.

Цяпер аналітыкам незразумела, наколькі Пуцін давярае Прыгожыну, але цалкам верагодна, што Пуцін спыніў намаганні расійскага Мінабароны адпомсціць «Вагнеру», адмовіўшы ў падмацаванні і боепрыпасах, адзначаюць аналітыкі.

У аглядзе звяртаюць увагу на тое, што інтэрв'ю з двума былымі байцамі «Вагнера» аб іх абыходжанні з украінскімі дзецьмі і іншымі цывільнымі асобамі і ваеннапалоннымі яшчэ больш падкрэслівае, як ПВК замацавала сістэматычную жорсткасць як частку свайго фундаментальнага ладу дзеянняў.

На думку аналітыкаў, надзвычай наглядныя зверствы, апісаныя Улдаравым і Савічавым, падкрэсліваюць шэраг нядаўніх паведамленняў аб сістэматычным выкарыстанні «Вагнерам» жорсткасці як метаду вядзення вайны.

Таксама эксперты паказваюць на тое, што Прыгожын і камандаванне «Вагнера» могуць актыўна заахвочваць актыўны ўдзел у зверствах, спрабуючы ўмацаваць сацыяльную згуртаванасць і рэпутацыю ў падраздзяленнях ПВК.

У справаздачы рэзюмуецца: «Гэты тып укаранёнага гвалту, верагодна, акажа ўсё большы ўплыў на расійскае грамадства, асабліва пасля таго, як байцы «Вагнера» завершаць кантракты і вернуцца ў свае дамы.

Расійскаму грамадству прыйдзецца прыкладаць усё больш намаганняў, каб справіцца з жорсткасцю як нормай, якую робяць яго вайскоўцы па меры іх рэінтэграцыі ва ўнутраную сферу, што, верагодна, будзе мець наступствы для цэлых пакаленняў расійскага грамадства».

Каментары2

  • Специальная воспитательная операция
    18.04.2023
    Да, я тоже думаю, что именно вернувшиеся вагнеровцы должны принести отрезвление росийскому скоту. Удачи им на этом воспитательном пути.
  • Олег
    18.04.2023
    [Рэд. выдалена]

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе16

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе16

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць