Грамадства66

«Дазволіў сабе ганьбіць БРСМ, віну прызнаю». Юрфак БДУ апублікаваў відэа са студэнтам на манер ГУБАЗіКа

Юрыдычны факультэт БДУ пераняў практыку сілавікоў і стаў запісваць відэа са студэнтамі, дзе прымушае іх выбачацца.

Скрын відэа, якое выклаў юрфак БДУ. У арыгінале твар не схаваны і студэнт называе сваё імя

Такое відэа юрфак апублікаваў у сторыз свайго інстаграм-акаўнта.

У ім студэнт-трэцякурснік на фоне эмблемы БДУ і выявы Феміды выбачаецца перад адміністрацыяй факультэта і БРСМ.

«Я, студэнт трэцяга курса БДУ, дазваляў сабе распаўсюджваць звесткі, якія дыскрэдытавалі адміністрацыю юрыдычнага факультэта, а таксама звесткі, якія ганьбяць БРСМ юрыдычнага факультэта. Сваю віну цалкам прызнаю, каюся. На аснове сваіх памылак рэкамендую моладзі пільна сачыць, што, каму, дзе і ў якой сітуацыі яны гавораць, а таксама працаваць на карысць сваёй краіны», — агучвае ў відэа студэнт тэкст, які, відавочна, яго прымусілі сказаць.

Юрыдычная супольнасць адрэагавала на такое парушэнне правоў.

Экспертка ў галіне міжнароднага права і правоў чалавека Кацярына Дэйкала заўважае: парадаксальна, што менавіта юрфак, дзе павінны былі б вучыць паважаць правы, пераняў такую практыку.

«Звярніце ўвагу (і гэта самае страшнае), што робяць гэта моладзевыя арганізацыі факультэта. Не ГУБАЗіК, не кадэбэшнікі, а моладзевыя арганізацыі факультэта, якія нават не саромеюцца ставіць свае тэгі: студсаюз юрфака, студэнцкі прафсаюз і БРСМ.

У хлопцаў — будучых юрыстаў — нават не хапае кемлівасці, каб зразумець, што гэта ўсё — доказы, якія фіксуюцца. У камсамольскім запале так хочацца адзначыцца: мы насралі і напісалі горда «гэта зрабілі мы»!

Ну і нагадаю, што менавіта парушаецца такім відэа: свабода ад зневажальнага годнасць звароту, свабода выказвання меркавання, права на неўмяшанне ў асабістае жыццё і права на адукацыю (у частцы стварэння спрыяльнай атмасферы без абраз і прыніжэння годнасці ў адукацыйнай установе)», — пракаментавала ў фэйсбуку Кацярына Дэйкала.

На тое, што гэтым відэа факультэт парушае закон, звяртае ўвагу і адвакатка Марыя Колесава-Гудзіліна.

«Прымус да ўдзелу ў такіх роліках парушае свабоду выказвання меркаванняў. Гэта прамое парушэнне прэзумпцыі невінаватасці, калі чалавек вымушаны ў непрацэсуальнай форме прызнавацца ў здзяйсненні забароненых дзеянняў.

Такое відэа парушае права не падвяргацца жорсткаму, бесчалавечнаму і зневажальнаму абыходжанню або катаванням.

Я ўпэўнена, што тых, хто прымушае здымацца ў падобных відэа, можна прыцягнуць да адказнасці. Гэта трапляе пад кваліфікацыю арт. 426 Крымінальнага кодэкса (злачынства супраць чалавечнасці, якое здзяйсняецца прадстаўніком дзяржавы)»,

— падкрэслівае Колесава-Гудзіліна.

«Наша Нiва» — бастыён беларушчыны

ПАДТРЫМАЦЬ

Каментары6

  • Kotya
    24.05.2023
    Я уже писала как студенты в 2020 году, которые поступали на юрфак, говорили, что власть сменится когда они получат диплом. Ага, мало того что ничего не изменилось, так еще и юрфак скатился основательно. Не можете сами уехать, собирайте детям на приличное образование без унижений в Польше, Литве, Чехии и тд. Вернуться можно всегда, а вот тратить время на ненужное образование под колпаком не стоит. 
  • Злобный вожык
    24.05.2023
    Позорище лесное. Пока есть куколды, готовые идти туда учиться и терпеть унижения, это будет продолжаться. Лучше улицу подметать, чем добровольно шагать в этот петушатник.
  • Олушр
    24.05.2023
    Першае правіла БРСМ-ніколі не кажы што ты з БРСМ.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць