Усяго патроху11

У Вялікабрытаніі кот збег ад гаспадароў у іншы горад, праехаўшы 225 кіламетраў на некалькіх машынах незнаёмцаў

«Мы і раней рэгулярна знаходзілі яго ў самых розных месцах, але спадзяваліся, што ён будзе падарожнічаць толькі ў межах нашага роднага горада. Мы яго моцна недаацанілі».

Кот-падарожнік з Вялікабрытаніі па мянушцы Сокс. Фота: фэйсбук-старонка Сокса

Руды паласаты кот па мянушцы Сокс з брытанскага горада Херн-Бэй, графства Кент, вельмі любіць падарожнічаць у чужых машынах. Нядаўна ён праехаў больш за 110 кіламетраў ад свайго роднага горада да Лондана (гэта толькі ў адзін бок), заскочыўшы ў некалькі машын да незнаёмцаў.

Пра гэту гісторыю 15 чэрвеня напісала агенцтва Бі-бі-сі са спасылкай на гаспадароў Сокса.

Уладальніца ката-падарожніка Джэсіка Роу распавяла, што Сокс «падарожнічае» так рэгулярна і ёй ужо некалькі разоў даводзілася забіраць гадаванца з розных месцаў, уключаючы школу, офіс, шашлычную, грузавік дастаўкі Amazon і нават начны клуб.

Аднак усё гэта, па словах Роу, адбывалася ў межах роднага горада, і яна дапускала толькі ў форме жарту, што, «магчыма, гэты кот аднойчы апынецца ў Лондане».

«Мы проста паехалі да ветэрынара, і трэба было мне на імгненне пакінуць яго без увагі, як Сокс знік. Праз дзве гадзіны мне тэлефануе незнаёмая дзяўчына і кажа, што мой кот ужо ў Лондане, а заўважыла яна яго ў сваёй машыне толькі пасля таго, як Сокс вырашыў вылезці паміж двух задніх сядзенняў. У выніку я яго вярнула дадому, і кот такім чынам праехаў 225 кіламетраў у два бакі», — распавяла гаспадыня ката Джэсіка Роу агенцтву Бі-бі-сі.

Цяпер Сокс знаходзіцца пад своеасаблівым «хатнім арыштам», а яго ўладальніца стварыла для ката старонку ў фэйсбуку для апісання яго мінулых і, магчыма, будучых прыгод.

Каментары1

  • mikola
    22.06.2023
    A jak davedalisja adres Kocika ? Dobra u maigo *czyp* iosc....A  u getaga pasparta ni byla ?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць