Грамадства1515

Частка «Байпола» без Азарава стала «Белполам». Што яшчэ мяняецца ў аб'яднанні былых сілавікоў?

«Байпол» паведаміў аб аднаўленні працы ў тэлеграм-канале арганізацыі. І вось у якім фармаце.

Святлана Ціханоўская і кіраўнік фонду «Байпол» Аляксандр Азараў

Пра канфлікт у аб’яднанні былых сілавікоў стала вядома на пачатку чэрвеня з прызнання Азарава, што ім страчаны кантроль над сеткамі арганізацыі.

У далейшым Аб'яднаны пераходны кабінет абвясціў, што «Байполаў» стане два і ў кожнага будзе свой абшар адказнасці.

Кантроль над тэлеграм-каналам застаўся ў байполаўцаў, не згодных з кіраўніцтвам Аляксандра Азарава. Іх лідарам стаў — Мацвей Купрэйчык. Гэта група мелася аддзяліцца ад фонду «Байпол», які ўзначальвае Азараў.

Мацвей Купрэйчык. Скрыншот відэа YouTube-канала «Байпол»

Апаненты Азарава і апублікавалі паведамленне пра аднаўленне працы арганізацыі.

У ёй яны прынеслі выбачэнні грамадзянам Беларусі за дапушчаныя памылкі і запэўнілі, што «крызісная сітуацыя была дэтальна вывучаная», прынятыя захады, каб падобнага не паўтаралася.

«Дзякуючы праведзенай працы мы не толькі збераглі самае каштоўнае — людзей са сваімі ведамі, навыкамі, уменнямі і досведам, — але і ўзмацнілі каманду», — заяўляе частка каманды, якая разам з Мацвеем Купрэйчыкам.

Яны перайменаваліся ў «Белпол».

«У выніку сходу ўсіх супрацоўнікаў арганізацыі былі зацверджаныя:

— новая назва і новы лагатып арганізацыі — BELPOL;

— напрамкі дзейнасці і агульная стратэгія арганізацыі;

— праект статута арганізацыі;

— удасканалены сістэмы адміністрацыйнай бяспекі;

— новыя падыходы ў рабоце з медыя;

— парадак фінансавай справаздачнасці.

Што тычыцца выключаных з Аб'яднання сілавікоў Беларусі А. Азарава і С. Лупаносава, паведамляем, што мы спыняем любое супрацоўніцтва з названымі асобамі і Фондам BYPOL.

Таксама растлумачым, што перайменаванне арганізацыі — гэта мера выключна тэхнічная. Поўным праваўладальнікам абсалютна ўсіх магчымасцяў і інструментаў як тэхнічных, так і інтэлектуальных ёсць АСБ BELPOL. Юрыдычная назва BYPOL і план «Перамога» застаецца за фондам А. Азарава», — напісалі белполаўцы.

У каманду вяртаецца таксама Андрэй Астаповіч.

Аляксандр Азараў у каментары «Нашай Ніве» настойвае: тое, што адбылося ў арганізацыі, «не раскол».

«З арганізацыі былі звольненыя супрацоўнікі і ўсё», — кажа Аляксандр Азараў.

«Мы не плануем нічога мяняць, будзем займацца, чым і займаліся раней, — падсумоўвае ён. — А пра іх нічога не ведаю».

«Байпол» быў створаны былымі сілавікамі ў 2020 годзе.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Храналогія канфлікту ў «Байполе» — што за чым адбылося

Новы віток канфлікту ў «Байполе»: заявілі, што Азараў там ніхто і яго выключылі

У каго цяпер даныя беларусаў, што пісалі ў чат-бот плана «Перамога»?

BYPOL запрасіў прадстаўнікоў Каардынацыйнай рады ўвайсці ў камісію для фінансавага аўдыту арганізацыі

Каментары15

  • Мойша
    05.07.2023
    Як бы пофіг
  • даведка
    05.07.2023
    Использована чисто методика лукашенковских спецслужб, когда создателей вышвырнули из их же организации.
  • Беня
    05.07.2023
    Ну, если и Астапович - за вами будущее, Дайпол. Денег всем хватит.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць