Усяго патроху22

У Пінску зафіксавалі першы доказ гнездавання ў нас адной з найменшых птушак у Еўропе

Пінчанка Лілія Кахновіч сфатаграфавала птушанят-подлеткаў чырвонагаловых каралькоў у гарадскім парку Пінска, як паведамляе тэлеграм-канал «Дзікая прырода побач».

Фота: Лілія Кахновіч, чат «Птушкі з фотастужкі», @ptushkafota

«Чырвонагаловых каралькоў я ўбачыла ўпершыню ў нашым парку летась у красавіку, — расказала Лілія. — Яны былі разам з жоўтагаловымі, якія ў нас зімуюць, і я падумала, што чырвонагаловыя ў нас пралётам.

Я чытаю пра нашых птушак на сайце Мікалая Гуркова «Фаўна Беларусі», таму ведала, што гэты від у нас можна сустрэць, але не ведала, што яны тут гняздуюцца. Убачыўшы цяпер подлеткаў, я вельмі здзівілася і ўзрадавалася.

Месца, дзе яны пасяліліся, — гэта цэнтр парку, высокая яліна. Парк у нас невялікі, і ціхім яго, на жаль, не назавеш. Але калі пайсці туды зусім рана, калі яшчэ няма людзей, можна паздымаць розных птушак: побач рака, а за ракой «джунглі».

Чырвонагаловы каралёк — адна з самых дробных птушак Еўропы. Знешне ён падобны да жоўтагаловага каралька. Гэтыя птушкі гняздуюцца ў Заходняй Еўропе і на ўсходзе Польшчы нават ля беларускай мяжы. З пачатку ХХІ стагоддзя від пачаў раптам распаўсюджвацца на ўсход.

Цяпер чырвонагаловых каралькоў можна сустрэць ва ўсіх абласцях Беларусі. Самцы актыўна пяюць у гнездавы сезон, але добра схаванае гняздо каралька знайсці цяжка нават арнітолагам.

Гнездаванне гэтага віду ў нас дапускалася, але «жалезных» доказаў дагэтуль не было. Пашанцавала сёлета птушкарцы з Пінска.

«Ведаеце… Мне шмат гадоў, — кажа Лілія. — І цяпер мне вельмі шкада, што я раней не захаплялася птушкамі — вось проста не заўважала, як многія людзі. Усё пачалося з берасцянкі ў парку: а хто гэта так гучна спявае? І панеслася… Цяпер я ведаю спевы ўсіх нашых птушак, якіх я сустракала: я спачатку чую, потым бачу».

Каментары2

  • -:)<
    05.07.2023
    харошанькі(ая)
    прыгожае захапленне ў спадарыні
  • Старобілорус
    06.07.2023
    Як жэ шкода птушыка. Што ж змусіло его статі такім маленечкім?

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць