Навука і тэхналогіі1111

Распрацоўнікі ChatGPT папярэджваюць аб тым, што штучны інтэлект можа прывесці да знікнення чалавецтва

Кіраўнікі кампаніі OpenAI, якая распрацавала ChatGPT, папярэджваюць: велізарная сіла «звышрозуму» можа знішчыць чалавецтва. Яны прапануюць стварыць даследчую групу, якая вызначыць варыянты кантролю за сістэмамі штучнага інтэлекту.

Artificial intelligence Штучны інтэлект Искусственный интеллект
Выява: vecteezy.com

Як піша інтэрнэт-выданне Welt.de, кампанія OpenAI мае намер сабраць новую даследчую групу і інвеставаць значныя рэсурсы ў забеспячэнне бяспекі штучнага інтэлекту для чалавецтва.

У сваім блогу сузаснавальнік OpenAI Ілья Суцкевер (Ilya Sutskever) і кіраўнік аднаго з аддзелаў кампаніі Ян Лейке (Jan Leike) адзначылі:

«Велізарная сіла «звышрозуму» можа прывесці да пазбаўлення чалавека правоў і магчымасцяў або нават да яго знікнення. Цяпер у нас няма магчымасці накіроўваць або кантраляваць патэнцыйна звышінтэлектуальны штучны інтэлект і перашкаджаць яму ісці сваім шляхам».

Аўтары блога прадказваюць, што звышінтэлектуальныя сістэмы штучнага інтэлекту, якія больш разумныя за людзей, могуць стаць рэальнасцю на працягу гэтага дзесяцігоддзя. Людзям спатрэбяцца лепшыя метады, чым тыя, што даступныя сёння, для кіравання звышінтэлектуальным штучным інтэлектам.

Microsoft плануе выкарыстоўваць на працягу наступных чатырох гадоў пятую частку сваіх вылічальных магутнасцяў для распрацоўкі рашэння гэтай праблемы. Кампанія таксама знаходзіцца ў працэсе стварэння для гэтай мэты новай даследчай групы пад назвай Superalignment Team.

Выданне адзначае, што патэнцыйная небяспека штучнага інтэлекту цяпер інтэнсіўна абмяркоўваецца даследчыкамі і грамадскасцю.

ЕС ужо ўзгадніў праект закона аб рэгуляванні штучнага інтэлекту. Цяпер у ЗША ідзе дыскусія аб залічэнні па прыкладзе ЕС сістэм штучнага інтэлекту да катэгорый рызыкі і аб выпрацоўцы адпаведных патрабаванняў да кампаній, якія распрацоўваюць або выкарыстоўваюць сістэмы штучнага інтэлекту, патрабаванняў па забеспячэнні даверу, бяспекі, празрыстасці і захаванні правоў чалавека.

У сакавіку група лідараў і экспертаў індустрыі штучнага інтэлекту падпісала адкрыты ліст, у якім згадваецца патэнцыйная рызыка штучнага інтэлекту для грамадства і ўтрымліваецца заклік да шасцімесячнага перапынку ў распрацоўцы сістэм, больш магутных, чым версія OpenAI GPT-4.

Чытайце яшчэ:

Больш за ўсё ад развіцця штучнага інтэлекту пацярпяць работнікі разумовай працы — аналітыкі

У Германіі царкоўную службу ўпершыню правёў штучны інтэлект

Штучны інтэлект дапамог прачытаць таблічкі з клінапісам, якім пяць тысяч гадоў

Штучны інтэлект у офісе не дадае работнікам шчасця

Каментары11

  • Абу
    07.07.2023
    Спакуха - нам нічога не пагражае! У Беларусі неўзабаве застанецца толькі аналаг расейскага чэбурнэта - луканэт. Ніякі штучны інтэлект там не прыжывецца. Бо ўсё ж інтэлект.
  • Acab
    07.07.2023
    Карціць зьвязаць лапкі канкурэнтам
  • жэўжык
    07.07.2023
    Федзя, не толькі айцішнікам. Калі ШІ ўдасканаляць і зробяць значна разумнейшым за чалавека, то гэты ШІ будзе ставіцца да людзей прыкладна такім жа чынам, як мы ставімся да хатніх жывёлаў. Як вам такая перспектыва?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць