Усяго патроху

У Тураве пабачылі чорную варону. І гэта сенсацыя

Беларусы часта скардзяцца на чорных варон, але гэта толькі таму, што блытаюць іх з каўкамі і гракамі. Беларускія вароны — шэрыя, а чорныя распаўсюджаныя ў Заходняй Еўропе і за Уралам. Але вось нарэшце і ў нас заўважылі чорную варону, пакуль што адзіную на ўсю краіну, піша «Дзікая прырода побач».

Чорная варона ў Тураве. Фота: Іна Субоціна

Птушку, якая прыляцела на падворак паласавацца рыбнымі вантробамі, заўважыла фатографка-птушніца Іна Субоціна 30 ліпеня ў Тураве: 

«Я сядзела на ганку, убачыла чорную птушку, якая праз хвіліну зляцела з даху на дарогу, куды я ўначы выкінула рыбіны вантробы. Вярнулася ў хату па камеру. Калі пачала падыходзіць, птушка ўзляцела на дах з рыбнымі вантробамі. Паклікала астатніх, хто быў дома, каб паглядзелі.

Фота Іны Субоцінай

Адразу мільганула думка пра чорную варону: птушка была акурат з варону памерам.

Думалі таксама, што можа быць малады грак. Але калі яна прыляцела зноў, я зрабіла фота ў палёце: па пер'і выглядае дарослай варонай у ліньцы, хвост прамы (у крумкача мае быць рамбаваты).

Фота Іны Субоцінай

Адправілі арнітолагу ў Францыю здымкі, там чорныя вароны гняздуюцца. І першаснае заключэнне — што гэта чорная варона», — расказвае Іна.

У Беларусі чорная варона была вядомая толькі па дзвюх асобінах, здабытых у 1931 і 1949 гадах у Гродзенскай вобласці.

Многія вучоныя лічаць чорную і шэрую варону падвідамі аднаго віду (да таго ж гэтыя птушкі даюць пладавітыя гібрыды). Але некаторыя сістэматыкі вылучаюць яе ў асобны від.

Чорную варону цяжка адрозніць ад маладога грака.

Малады грак. Фота Аксаны Казаковай

Уся інфармацыя пра птушку адпраўленая ў Беларускую арніта-фаўністычную камісію. Толькі пасля разгляду камісіі будзе вынесена рашэнне аб рэгістрацыі.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць