Грамадства2828

Расіяне скардзяцца, што ў іх няма лідара накшталт Ціханоўскай. Беларусы ім адказалі, чаму так

Праца лідаркі беларускіх дэмакратычных сіл выклікае захапленне і нават зайздрасць у апазіцыйна настроеных расіян. «Чаму ў нас няма Ціханоўскай?» — задаюць яны пытанне. Чарговы трэд разгарэўся ў твітары.

«Вось бы ў нас быў хтосьці тыпу Ціханоўскай, хто прасіў бы не візабаніць простых расіян, уцекачоў ад мабілізацыі або турмы, ці там прадстаўляў інтарэсы сваіх грамадзян як палітык у ЕС або USA. Эх, шкада, што ў нас няма ніводнага адпаведнага кандыдата», — напісала расійская блогерка Марыя Матузная, якую судзілі ў 2018 годзе за абразу пачуццяў веруючых.

Карыстальнікі твітара патлумачылі Матузнай, як у беларусаў з’явілася Ціханоўская.

«Каб у нас была Ціханоўская, у нас дзясяткі чалавек на 10+ гадоў селі, тысячы на гады, дзясяткі тысяч прайшлі праз катавальныя ўмовы турмаў. Што там у вас? Ці вы думаеце, Ціханоўская з неба ўпала па прыколу?» — напісаў вядомы блогер Джыпсінкоў.

Ён патлумачыў Матузнай, што беларусы выходзілі на пратэсты ў 1996, 2006, 2010, 2011, 2017 гадах, на акцыі супраць інтэграцыі з Расіяй.

«Я тыкаю палкай у тых, хто бегае з пытаннем, чаму ў іх няма Ціханоўскай, хаця адказ на паверхні. Бо вам у масе яна не патрэбна», — дадаў Джыпсінкоў.

«Такі чалавек можа з’явіцца і ў вас. Але пры ўмовах, што вы пойдзеце на выбары, а затым на пратэсты, дзе вас могуць забіць. Потым зможаце сабраць доказы, што выбары сфальсіфікаваныя. Потым частка людзей згніе ў турмах або выпадкова знойдзецца павешанай у лесе. Вырашаць вам», — патлумачыла іншая карыстальніца.

 «Чалавек (і людзі ніжэй) па пунктах растусаваў, што не проста свабода, а нават «такі чалавек» каштуе дорага. Амаль усе мае сябры з РБ з'ехалі або ў турме, пакуль вы бегаеце ад мабілізацыі, перавозіце капіталы ў Дубаі і выводзіце праз крыпту. Ганьбішча», — напісала @kryscina_by.

«Гэта вельмі складаны шлях. Каб «з’явілася» Ціханоўская, ГРАМАДСТВУ ТРЭБА ШТОСЬЦІ РАБІЦЬ», — напісаў яшчэ адзін.

Святлана Ціханоўская прэзентуе праект альтэрнатыўнага беларускага пашпарта ў Еўрапарламенце. 13 верасня 2023 года. Фота Офіса Ціханоўскай

Матузная адказвала амаль усім «пошла на*уй» і «завалі» (у сэнсе — «замаўчы»). У канцы рэзюмавала, што пойдзе чытаць чарговую сварку паміж прадстаўнікамі расійскай апазіцыі.

Карыстальнікі таксамі рэзюмавалі трэд. 

Лідар расійскай апазіцыі Аляксей Навальны асуджаны на 19 гадоў зняволення і знаходзіцца ў турме. Гэтага 47-гадовага антыкарупцыйнага расследавальніка атруцілі «Навічком» расійскія спецслужбы, але ён пасля лекавання ў Германіі вярнуўся на радзіму, дзе яго зняволілі.

Каментары28

  • Лёлік з-пад Лімасола
    14.09.2023
    яшчэ добрыя рускія ў апошні час скардзяцца на санкцыі. Маўляў, працуюць яны толькі на грамадства, якое і пасля вайны не забудзе, як Захад яго прыніжаў гэтымі санкцыямі [facepalm]
  • 1
    14.09.2023
    Слабае суцяшэнне, што недзе яшчэ горш, чым у нас. Краiна стаiць у гiстарычным тупiку, адстойнiку, i руху нiякага няма. Безумоўна, бывае i горш. Вось толькi лягчэй ад гэтага не становiцца.
  • Иван
    14.09.2023
    По щучьему велению, по моему хотению

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць