Грамадства55

Галоўнае — каб у фільма быў хэпі-энд. БРСМ звадзіў «Міс Беларусь» на прэм'еру прапагандысцкай карціны

Элеанора Качалоўская, якая днямі перамагла ў конкурсе «Міс Беларусь — 2023», наведала прэм'еру фільма «На іншым беразе». Прытым зрабіла гэта арганізавана, як паведамляе БелТА, «у кампаніі іншых міс і прадстаўнікоў БРСМ».

Элеанора Качалоўская, даючы каментар прапагандыстам, сказала, што да прэм'еры вывучала фільмаграфію рэжысёра фільма Андрэя Хрулёва і прыйшла да высновы, што «відаць, што яму падабаецца гаварыць пра гісторыю і драму».

Ад фільма яна чакала, што «гледача будуць выводзіць на сапраўдныя эмоцыі: слёзы, гонар, сум, перажыванні», але галоўнае, чаго хацела — каб у фільма быў хэпі-энд.

«У кожным разе мы прыходзім да міру. І адзінае, чаго цяпер можна жадаць, — гэта мір на ўсёй планеце. Фільм у мяне асацыюецца менавіта з мірам», — заявіла яна.

Што тычыцца самой тэматыкі фільма, то, маўляў:

«Гісторыя — гэта тое, на чым грунтуецца наш час. 17 верасня, якое мы адзначаем, не проста цікава… Гэта былі цікавыя падзеі, якія нас шмат чаму навучылі і многае паказалі».

Фільм «На іншым беразе» зняты паводле сцэнара Івана Крываручкі, а рэжысёрам-пастаноўшчыкам карціны выступіў Андрэй Хрулёў.

У аснове сюжэта фільма — падзеі 1925 года, калі пасля падпісання мірнай Рыжскай дамовы заходняя частка Беларусі трапіла пад уладу Польшчы.

Яго галоўныя героі — родныя браты, якія родам з-пад Стоўбцаў. Павел Смоліч жыве са сваёй маці ў Заходняй Беларусі недалёка ад мяжы з БССР, а ягоны старэйшы брат Антон дзейнічае ў антыпольскай савецкай партызанцы.

Вядома, што на гэтае кіно патрацілі амаль 4 млн рублёў, на кінастудыі яго называюць нацыянальным праектам года. 

Праз гэта ўлады не могуць дапусціць, каб такая карціна яўна правалілася ў пракаце і гэта было бачна простым вокам. Дзеля таго, паводле сведчання крыніц, праўладныя арганізацыі і кіраўніцтва навучальных устаноў арганізуюць шырокую кампанію па «добраахвотна-прымусовым» наведванні паказаў вучнямі і студэнтамі. 

Некаторыя іншыя прапагандысцкія кінафільмы, у тым ліку расійскай вытворчасці, да арганізацыі масавага наведвання якіх не прыкладаліся адмысловыя намаганні, у пракаце цалкам праваліліся.

Каментары5

  • Паўлюк
    15.09.2023
    А мяне ідэя зрабіць з пераможцы спаборніцтва эскортніц прапагандысцкае пудзіла падабаецца. Яна разлічвала паўтарыць яскравую кар'еру Машы Васілевіч, але ж тая насуперак ярмошынскаму "Фі" паспела ў 2019 ўскачыць ў апошні вагон, бо пасля стрэсу 2020 галоўны поршань стабільнасці відавочна назаўсёды страціў былыя ТТХ часоў Сашы Варламава. Таму замест доўгачаканых абдымкаў на хакеі і фатэльні ў палатцы чамусці адбываюцца сумнеўныя імпрэзы з хунвэйбінамі і ўсе дакаладней вымалёўваецца лёс Юлі Чычэрінай. Дарэчы, на кожным чарговым публічным фота Эля робіцца ўсё больш непрывабней.
  • Карл
    15.09.2023
    Лука мае дрэнны густ. Дужа дрэнны. Калі абраў такую, як бы гэта лепш сказаць, ня дужа разумную, не натта прыгожую, і шчыра кажучы, не ваблівую асобу
  • мамако ли
    15.09.2023
    Лука мае дрэнны густ.
    а да вас гэта толькі зараз дайшло? Карл)

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць