Эканоміка

У лідарах — кавярні і пончыкавыя. Якія франшызы папулярныя ў Беларусі

Ці назіраецца цяпер у Беларусі попыт на франшызы? Хто лідзіруе на рынку? Агляд за сем месяцаў 2023 года для Myfin.by зрабіла Вольга Лявонцьева, прафесійны эксперт у галіне франчайзінгу, старшыня Асацыяцыі франчайзераў і франчайзі «Белфранчайзінг». Прыводзім асноўнае.

Сетка пончыкавых «Пон-пушка». Фота: інстаграм сеткі

Зарэгістраваныя здзелкі

Эксперт расказвае, што за сем месяцаў 2023 года было зарэгістравана 87 дагавораў франчайзінгу, што ў 2,5 разу больш, чым за аналагічны перыяд мінулага года.

З іх 83 зарэгістраваныя дамовы заключаныя паміж беларускімі суб'ектамі гаспадарання, 2 — з расійскімі франчайзерамі, 2 — са швейцарскім. Па сферы дзейнасці: 55 — грамадскае харчаванне (з іх 34 — франшыза кава-поінтаў), 25 — гандаль (з іх 18 — пункты продажу прысмакаў), 4 — фітнэс, 2 — бытавыя паслугі, 1 — салон прыгажосці.

Лідар рынку па колькасці зарэгістраваных дагавораў — «Кава саўнд груп»: у гэтай сеткі ўжо працуе больш за 100 кавярняў. 

На ўмоўным другім месцы знаходзіцца група вытворцаў кандытарскай прадукцыі — «Чырвоны харчавік», «Спартак», «Камунарка».

Замыкае тройку лідараў брэнд «Пон-пушка», які развівае ў нашай краіне сетку пончыкавых.

Топ-5 франшыз, якімі цікавяцца часцей за ўсё

Згодна з каталогам «Белфранчайзінга» за першае паўгоддзе 2023 года найбольш цікавіліся наступнымі франшызамі:

— «Заамаркет» — беларуская сетка зоамагазінаў, якая ўключае больш за 120 крам;

— «Пон-пушка» — беларуская сетка пончыкавых, якая ўключае 24 аб'екты;

— «Кава саўнд» — беларуская сетка кавярняў, якая ў маі адкрыла соты аб'ект;

— «Сапраўдная пякарня» — расійская франшыза, якая аб'ядноўвае больш за 600 пунктаў у васьмі краінах;

— «Тунец» — франшыза сушы-бара з дастаўкай, прадстаўленая ў Расіі і Беларусі больш чым 130 пунктамі.

Цікава, што ўпершыню з 2016 года на айчынным рынку самую вялікую долю займаюць беларускія франшызы. Калі яшчэ ў пачатку года іх было 34%, то па выніках першага паўгоддзя 2023 года — 39%. Далей ідуць расійскія — іх доля на нашым рынку складае 38%.

Да 2022 года вялікая колькасць буйных міжнародных брэндаў прыходзіла ў нашу краіну на ўмовах субфранчайзінгу праз расійскіх карыстальнікаў. Сітуацыя з санкцыямі матывавала беларускіх карыстальнікаў імкнуцца да заключэння дамоў непасрэдна з праваўладальнікамі франшыз.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць