Грамадства1616

«Колькі можна прыніжацца?» Жыхарка Чавусаў запісала відэазварот да Лукашэнкі: у інтэрнаце чорныя столі, сыплецца тынкоўка і валяцца сцены

Жыхарка Чавусаў у тыктоку звярнулася да Аляксандра Лукашэнкі. Яе сяброўка жыве ў пакоі, дзе ў любы момант можа абваліцца сцяна, у інтэрнаце няма гарачай вады, а кухня даўно не бачыла нават касметычнага рамонту.

Дзяўчына распавяла, што за пакой тут плацяць 150-200 рублёў. «За што? За тое, што няма гарачай вады, няма ўмоваў для пражывання? Гэта проста жах», — кажа яна. 

Яна паказала пакой, у якім жыве яе сяброўка з дачкою. Сцяна ў любы момант можа ўпасці на ложак дзіцяці.

@user5132653859430

♬ оригинальный звук - Дулесова Катька❤️

Аўтарка відэа просіць дапамагчы Лукашэнку, бо «тут дабіцца ў інстанцыях нічога не магчыма». Яна кажа, што звярталіся неаднойчы ў ЖКГ, у райвыканкам — «нічога не робіцца».

Звароты былі і наконт гарачай вады. Паводле дзяўчыны, у інтэрнаце два-тры гады чакалі, пакуль паставяць ванну. Спачатку гарачая вада з’явілася, але неўзабаве знікла.

@user5132653859430

♬ оригинальный звук - Дулесова Катька❤️

«У выніку ніхто нічога не робіць. Колькі можна званіць, колькі можна прыніжацца?» — абураецца дзяўчына.

Яна распавядае, што паўгода таму прыязджалі з райвыканкама. «Паглядзелі, сказалі, што ўмовы тут прыўкрасныя, а як штосьці каго не задавальняе, каб шукалі сабе жыллё. Але, прабачце, Чавусы — маленькі гарадок, не надта што знойдзеш».

Сама яна ўжо спрабуе шчасця ў Магілёве, але і ў Чавусах пакой трымае. Кажа, што паставіла пломбу на электрычнасць, але камуналку плаціць так, быццам тут жыве. «За што? За тое, што тут жах такі, страх. Не дай бог у такіх умовах жыць з дзіцём».

Яе зварот да Лукашэнкі за дзень набраў больш за 160 тысяч праглядаў.

Увечары жанчына распавяла, што а 21:30 патэлефанавалі сяброўцы і сказалі, што дадуць іншы пакой.

Аўтарка відэа гаворыць: «Спадзяемся, што нас не падмануць. Я вельмі рада, што ў жыцці ёсць справядлівасць».

Каментары16

  • 123
    05.10.2023
    Усё грошы ідуць на "красаўцаў", а сцены няхай валяцца
  • Прыукрасная стабильнасць
    05.10.2023
    Эта фсё патаму, што у абшчаге не висеу партрэт уважаемага важдзя
  • С.В.
    05.10.2023
    Калі запусціць два відэа адначасова – эфекту больш :)
    Радуе, што адыйшла „чоткая чолка”. Але ж бровы! :)

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць