Грамадства44

Гадзіннікі Віктара Бабарыкі прадалі з аўкцыёну з другой спробы

Аўкцыёны па продажы дзвюх мадэляў гадзіннікаў экс-прэтэндэнта ў прэзідэнты і экс-банкіра адбыліся 26 кастрычніка. На кожны з іх зарэгістраваліся па чатыры ўдзельнікі, піша «Люстэрка».

Прадавалі гадзіннікі Vacheron Constantin і Patek Philippe, абедзве мадэлі мінулы раз не былі прададзеныя.

Гадзіннік Vacheron Constantin, які прадаецца на аўкцыёне. Фота: e-auction.by

На першую мадэль была прызначаная стартавая цана спачатку 39 400 рублёў, потым яе знізілі да 31 520 рублёў. У выніку лот прадалі за 48 829 рублёў 60 капеек.

Мадэль Patek Philippe была самай дарагой сярод прадаваных гадзіннікаў Бабарыкі. Пачатковы кошт быў 47 500 рублёў, пасля яго знізілі да 38 000 рублёў, а на таргах прадалі за 52 560 рублёў.

Мадэль гадзінніка Patek Philippe. Фота: e-auction.by

Маёмасць Віктара Бабарыкі пачалі прадаваць у 2021 годзе. З малатка пайшоў арыштаваны аўтамабіль Ford Fiesta. Таксама выстаўлялі на таргі аптычны прыцэл, які належыць палітыку, і долі ў статутным капітале трох кампаній — «Прыватлізінг», «Прававы дыялог» і «Сістэмы апрацоўкі інфармацыі». У гэтым верасні прадалі сем наручных хранометраў экс-банкіра.

***

Экс-старшыня праўлення Белгазпрамбанка Віктар Бабарыка 12 мая 2020 года заявіў пра свае прэзідэнцкія амбіцыі. Ён сабраў рэкордную колькасць подпісаў — 440 тысяч, аднак ён і яго сын Эдуард, які ўзначаліў перадвыбарчы штаб, былі затрыманыя 18 чэрвеня 2020 года, калі везлі подпісы ў ЦВК. Зразумела, што да выбараў Бабарыку не дапусцілі.

6 ліпеня 2021 года Вярхоўны суд асудзіў Віктара Бабарыку на 14 гадоў калоніі ўзмоцненага рэжыму. Суд прызнаў яго вінаватым у атрыманні хабару ў асабліва буйным памеры арганізаванай групай, а таксама ў здзяйсненні фінансавых аперацый са сродкамі, атрыманымі загадзя злачынным шляхам (справа Белгазпрамбанка). Ён на судзе віны не прызнаў. Пакаранне адбывае ў наваполацкай калоніі.

Ужо роўна паўгода, з 27 красавіка, пра Віктара Бабарыку нічога не вядома. Тады з'явілася інфармацыя пра тое, што ён у ноч на 25 красавіка быў шпіталізаваны ў гарадскую бальніцу Наваполацка нібыта са слядамі збіцця і з пнеўматораксам. Раніцай 27 красавіка блізкім палітыка ўдалося пацвердзіць факт яго шпіталізацыі ў хірургічнае аддзяленне. Аднак больш нічога пра яго не вядома.

Каментары4

  • Віктар
    27.10.2023
    А ці ёсць сумленне?
  • Mar
    27.10.2023
    Как падальщики все растащили.
  • Питон
    28.10.2023
    ну вот накинулись.. возможно кто-то из купивших вернет имущество законному владельцу после

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць