Свет2626

У Дагестане праходзяць пратэсты пад антысеміцкімі лозунгамі, пагромшчыкі ўварваліся ў аэрапорт

Дзясяткі людзей, пратэстуючы супраць прылёту рэйса з Тэль-Авіва ў Дагестан, бесперашкодна ўвайшлі ў будынак тэрмінала аэрапорта Махачкалы. Пра гэта паведамляюць мясцовыя тэлеграм-каналы.

На кадрах бачныя супрацоўнікі сілавых службаў, якія не аказваюць супраціву. На іншым відэа бачна, як пратэстоўцы прарываюцца на тэрыторыю аэрадрома.

Людзі сабраліся ў аэрапорце на заклікі папулярных у рэспубліцы тэлеграм-каналаў. Учора яны заклікалі шукаць габрэяў у гатэлях Дагестана, бо, маўляў, «паводле нашай інфармацыі, там шмат уцекачоў з Ізраіля».

Махачкалінская паліцыя запэўнівае натоўп, што падзяляе ягоныя пачуцці, але заклікае не ладзіць пагромаў:

«Мы выдатна разумеем ваш стан. Давайце збярэмся ўсе разам, і мы з вамі ўстанем і будзем скандаваць тут, калі ласка, няма пытанняў. […] Вы ж закон парушаеце, слухайце, навошта вы гэта робіце?»

У натоўпе чуваць крыкі «Смерць яхудам!» (юдэям). Натоўп прарваўся не толькі ў будынак аэрапорта, але і на лётнае поле, габрэяў шукаюць нават у самалётах.

Канал «Утро Дагестан» распаўсюдзіў відэа з аэрапорта, на якім пратэстоўцы патрабуюць ад мужчыны, якога яны прынялі за габрэя, «праклёнаў на камеру смярдзючаму Ізраілю».

Аэрапорт у Махачкале з-за беспарадкаў закрылі, у небе над ім кружаць рэйсы з Ніжневартаўска і Масквы. Не выключаецца, што гэтыя самалёты будуць перапраўляцца ў аэрапорты суседніх рэспублік.

Нагадаем, што менавіта тэлеграм-канал «Утро Дагестан» быў асноўным арганізатарам пратэстаў супраць аб'яўленай расійскімі ўладамі мабілізацыі восенню мінулага года. Дагестан стаў адной з тых мясцовасцяў, дзе гэтыя пратэсты сталі дастаткова заўважнымі.

Цяпер у Дагестане і іншых рэспубліках расійскага Паўночнага Каўказа пратэсты праходзяць з мусульманскай салідарнасці, мясцовыя жыхары такім чынам падтрымліваюць рух ХАМАС у яго змаганні з Ізраілем.

Каментары26

  • Monkey
    29.10.2023
    Поезжали бы в Газу лучше, к своим, ну или хотя бы тех оттуда к себе забрали, видно же по поведению, что братские народы.
  • Ну и дикари
    29.10.2023
    Не туда они они пошли. Нужно было врываться в госдуму и на Рублёвку.
  • Ганьба
    29.10.2023
    Бабуіны

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць