Навука і тэхналогіі11

«150 фільмаў за секунду». У Кітаі запусцілі найхутчэйшы інтэрнэт у свеце 

Кітай сцвярджае, што стварыў і пачаў эксплуатаваць самы звышхуткасны інтэрнэт у свеце, які, напрыклад, можа дазволіць спампаваць абсалютна ўсё, што ёсць на Netflix, менш чым за 30 хвілін.

Інтэрнэт-оптавалакно. Фота: pixabay

Кітай прадставіў першы ў свеце оптавалакновы інтэрнэт-сэрвіс, чыя хуткасць у 10 разоў большая, чым хуткасць інтэрнэту ў Паўднёвай Карэі і ЗША. Пра гэта піша выданне Firstpost са спасылкай на кітайскія буйныя медыя.

«Гэта новая магістральная сетка з больш за 3000 кіламетраў оптавалакновых кабеляў, якая ідзе праз Пекін, Ухань і Гуанчжоў. Хуткасць новага інтэрнэту складае 1,2 тэрабіта (1200 гігабіт) у секунду. Нават усю глабальную бібліятэку фільмаў і серыялаў Netflix карыстальнікі змогуць адпраўляць менш чым за палову гадзіны», — перадае Firstpost.

Сетка была актываваная яшчэ ў ліпені, а афіцыйна запушчаная ў гэты панядзелак. У інавацыйным вынаходстве ўдзельнічалі такія кітайскія гіганты, як China Mobile, Huawei Technologies, Cernet Corporation і элітны ўніверсітэт Цынхуа.

Інтэрнэт-сувязь Пекін-Ухань-Гуаньчжоў была створана ў рамках праекта Future Internet Technology Infrastructure (FITI). Кіраўнік FITI Ву Цзяньпін адзначыў, што новая сетка не толькі паспяхова функцыянуе, але і забяспечыла Кітай перадавымі тэхналогіямі, якія могуць нават дапамагчы стварыць яшчэ больш хуткі інтэрнэт. 

Стварэнне такой тэхналогіі сапраўды ўражвае, але многія эксперты прагназавалі, што звышхуткасны інтэрнэт з’явіцца прыкладна ў 2025 годзе, падкрэсліваюць кітайскія СМІ.

«Для параўнання: Злучаныя Штаты нядаўна перайшлі на інтэрнэт пятага пакалення з хуткасцю 400 гігабіт у секунду», — звяртае ўвагу Firstpost.

Праект Future Internet Technology Infrastructure быў створаны ў 2013 годзе. Яго падтрымлівае і фінансуе кітайскі ўрад, а каардынатарам з'яўляецца Міністэрства адукацыі Кітая. Мэта праекта — гэта зніжэнне тэхналагічнай залежнасці ад ЗША і іх саюзнікаў.

Каментары1

  • Axel Justas
    15.11.2023
    У Кітае ўсё цудоўна з тэхналогіямі, але забароненыя Youtube, Facebook, Google, і, дарэчы, Наша Ніва. Хоць абыйсці магчыма, большасць народу 'ня парыцца', няма і няма. І выглядае, што карціна свету, якую яны бачаць праз свае кітайскія аналагі, досыць спецыфічная. Да чаго гэта прыводзіць можна ўбачыць на прыкладзе расейскай арды.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць