Грамадства44

Колькі жанчын у Беларусі падвяргаюцца хатняму гвалту — вынікі апытання

Новае апытанне дэманструе ўзровень і разнастайнасць гвалту, які церпяць жанчыны з боку сваіх партнёраў. Пры гэты не ўсе разумеюць розніцу паміж канфліктам і гвалтам.

Ілюстрацыйнае фота. Getty Images

Chatham House (Каралеўскі інстытут міжнародных адносін) сумесна з анлайн лініяй дапамогі пацярпелым ад хатняга гвалту oliviahelp.org правялі анлайн-апытанне ў Беларусі аб гендарным гвалце ў адносінах. Яно прайшло з 8 па 14 лістапада. Удзельнікамі былі 480 жанчын і 384 мужчыны. Як сцвярджаюць арганізатары, выбарка адпавядае структуры гарадскога насельніцтва і скарэктаванае на полу, узросту, памеру населеных пунктаў і ўзроўню адукацыі.

Тры з чатырох апытаных жанчын (74,7%) адзначылі, што ў апошнія 12 месяцах знаходзіліся ў адносінах. З іх заявілі, што падвяргаліся гвалту з боку партнёра:

  • псіхалагічнаму (7,7%)
  • эканамічнаму (4,7%)
  • фізічнаму (3,7%)
  • сэксуальнаму (1,5%).

Даследчыкі заўважаюць, што гэтыя лічбы не адлюстроўваюць рэальнага становішча, бо шмат хто з рэспандэнтак прызнаўся, што не заўсёды разумее розніцу паміж канфліктам і хатнім гвалтам.

Як паказала апытанне, кожная другая жанчына (50,8%) прызналася, што нікому не паведамляла аб тым, што адбылося. Калі ж усё ж такі жанчына вырашала звярнуцца за дапамогай, то ў першую чаргу гэта была міліцыя (40,5% пацярпелых) і тэлефон даверу (15,2%).

Сацыёлагі звяртаюць увагу, што адной з галоўных прычын адмовы ад звароту за дапамогай для жанчын з'яўляецца адсутнасць веры ў тое, што ім могуць дапамагчы. Аб гэтым паведаміла кожная пятая з пацярпелых (20,2%).

На думку кожнай восьмай (13,1%), зварот па дапамогу можа зрабіць яшчэ горш. Пры гэтым амаль кожная трэцяя з пацярпелых ад хатняга гвалту (29,8%) лічыць, што дастаткова распавесці сябрам і блізкім.

Чытайце яшчэ:

Жывуць на адну пенсію, сутыкаюцца з ашуканцамі, усім задаволены: вынікі апытання беларускіх пенсіянераў

Каго падтрымліваюць беларусы ў палесціна-ізраільскім канфлікце? — вынікі апытання

Такога цнатлівага пакалення даўно не было. Вось што вядома пра моладзь 13-24 гадоў

Каментары4

  • Влад
    10.12.2023
    Не устраивает муж  что держит? Вот Бог, вот порог!
  • василь
    10.12.2023
    Геволт, беларускія "мужчыны" за амаль 30 гадоў лукі ва ўладзе паказалі сябе ссыклом. Толькі на жанчынах і могуць зрывацца.
    Не адносіцца да калінаўцаў, Тэрору і іншых.
  • Спадар
    10.12.2023
    Влад, ага у вас "рускамирцау" там яшчэ; "бьет --- значит любит","за битого --- двух небитых дают"....

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць