Аўто

VW упершыню паказаў новы Transporter. Фанаты маркі могуць быць расчараваныя, бо гэта будзе не зусім Volkswagen

Новы мікраатобус ад VW будзе амаль такім самым, як Ford Transit Custom.

Фота: скрыншот відэа з ютуб-канала Volkswagen Nutzfahrzeuge

Канцэрн Volkswagen апублікаваў відэа, дзе ўпершыню паказаў новы Transporter.

Новае пакаленне Volkswagen Transporter будзе выпускацца на адной платформе з Ford Transit Custom. Чакаецца, што VW на Transporter будзе выкарыстоўваць акумулятары, электраматоры, рухавікі, каробкі перадач і канструкцыі шасі Ford. Галоўнае адрозненне VW Transporter ад Ford Transit Custom будзе ў знешнасці. 

Фота: скрыншот відэа з ютуб-канала Volkswagen Nutzfahrzeuge

Transporter новага пакалення стылістычна будзе падобны да VW Multivan T7, які выйшаў у 2021 годзе. 

VW Multivan T7. Мінівэн ад VW, які выпускаецца з 2021 года.

Новы Transporter будзе даступны як з дызельным рухавіком, так і з гібрыднай устаноўкай. Таксама з'явіцца цалкам электрычная версія e-Transporter. Будзе і поўнапрывадная версія 4motion.

Фота: скрыншот відэа з ютуб-канала Volkswagen Nutzfahrzeuge

Новы Transporter будзе даступны ў двух варыянтах даўжыні і вышыні даху. Трэцім выкананнем стане бартавы грузавік з двухрадковай кабінай. Усе гэтыя версіі схематычна намаляваныя на кантэйнерах, якія трапілі на відэа.

Перадзамовы плануюць пачаць прымаць да канца бягучага года, у дылераў навінка з'явіцца толькі наступнай вясной.

Канец эпохі

З улікам таго, што VW Transporter новага пакалення парадніцца з Ford Transit, можна казаць пра завяршэнне эпохі «транспарцёраў», калі VW цалкам самастойна распрацоўваў і вырабляў мікрааўтобусы. Пачынаючы з Т3, мікрааўтобусы ад VW сталі народнымі для беларусаў. Асаблівай любоўю нашы аўтааматары пранікліся да аўтамабіляў чацвёртага пакалення Т4. 

А вось самай доўгайграючай мадэллю можна назваць Transporter T5. Бус пятага пакалення фактычна застаецца на канвееры з 2003 года, паколькі Transporter T6 і Т6.1 пабудаваныя на базе Т5, таму ўсе яны маюць аднолькавыя габарыты і калёсную базу. Знешне Transporter 2023 і 2003 гадоў выпуску таксама даволі падобныя, асабліва ў профіль.


Каментары

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць