Свет11

Столтэнберг: Смерць Навальнага — нагода павялічыць дапамогу Кіеву

Па словах генеральнага сакратара НАТА, нельга даць Пуціну атрымаць перамогу на полі бою. Ён выказаў меркаванне, што найлепшы спосаб ушанаваць памяць Навальнага — пашырыць дапамогу Украіне.

Уладзімір Зяленскі і Енс Столтэнберг падчас саміту НАТА ў Вільні 12 ліпеня 2023 года. Фота: Mindaugas Kulbis / AP

Генеральны сакратар NATO Енс Столтэнберг выказаў меркаванне, што смерць расійскага апазіцыянера Аляксея Навальнага і адступленне Узброеных сіл Украіны (УСУ) з Аўдзееўкі павінны прыцягнуць увагу Паўночнаатлантычнага альянсу і ягоных саюзнікаў да неабходнасці ўзмацніць вайсковую дапамогу Украіне, піша Deutsche Welle.

«Я ўпэўнены, што найлепшы спосаб ушанаваць памяць Навальнага — не даць Пуціну атрымаць перамогу на полі бою, забяспечыць перавагу Украіны», — сказаў Столтэнберг у інтэрв'ю «Радыё Свабода/Радыё Свабодная Еўропа».

Па словах генеральнага сакратара НАТА, адыход украінскіх войскаў з Аўдзееўкі пасля месяцаў цяжкіх баёў дэманструе, што Украіна мае патрэбу ў яшчэ большых аб'ёмах вайсковай дапамогі, а смерць Навальнага ў калоніі і затрымка экспертызы абставінаў ягонай гібелі павінны прыцягнуць яшчэ больш пільную ўвагу да аўтарытарнага характару крамлёўскага рэжыму.

Саюзнікі ЗША нарошчваюць дапамогу Кіеву

Столтэнберг адзначыў, што пакуль зацвярджэнне новага пакету вайсковай дапамогі ЗША Украіне на суму 61 млрд даляраў затрымліваецца ў Палаце прадстаўнікоў Кангрэса, іншыя краіны, у тым ліку Швецыя, Канада і Японія, нарошчваюць падтрымку Кіеву.

Генеральны сакратар НАТА не адказаў на пытанне, калі менавіта УСУ могуць атрымаць знішчальнікі F-16, паставак якіх Украіна дамагаецца ўжо амаль два гады.

Ён зноў сказаў, што ўсе хаўруснікі Украіны хацелі б, каб F-16 апынуліся ва Украіне як мага хутчэй, але адзначыў, што трэба паклапаціцца таксама аб падрыхтоўцы пілотаў і механікаў. Што тычыцца тэрмінаў магчымых паставак, то пра гэта лепш пытацца ваенных экспертаў, рэзюмаваў Енс Столтэнберг.

Каментары1

  • Стеклофф
    22.02.2024
    Дроны ўжо перадаў? Адна пустая заява за другой

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць