Культура55

Генпракуратура хоча ўключыць Брэсцкую крэпасць у спіс Сусветнай спадчыны ЮНЕСКА

«З улікам асаблівай дзяржаўнай важнасці расследавання крымінальнай справы аб генацыдзе беларускага народа».

Фота: БелТА

Генеральная пракуратура ўнесла прапанову ў Савет міністраў адносна ўключэння мемарыяльнага комплексу «Брэсцкая крэпасць-герой» у спіс Сусветнай спадчыны ЮНЕСКА.

Гэтае пытанне абмяркоўвалася некалькі дзесяцігоддзяў — эксперты Міжнароднай арганізацыі наведвалі з гэтай мэтай Рэспубліку Беларусь у 2003 годзе. Затым у 2004 годзе на аб'ект было складзена дасье як аб трансгранічных фартыфікацыйных збудаваннях XIX — пачатку XX стагоддзя. Пасля чаго гісторыка-культурную каштоўнасць уключылі ў папярэдні спіс ЮНЕСКА, з якога ў 2016—2017 гадах яе выключылі.

Магчымай прычынай таму стала наяўнасць на тэрыторыі крэпасці манументаў Вялікай Айчыннай вайны. Да 2021 года дзейнічаў мараторый на ўнясенне ў спіс ЮНЕСКА аб'ектаў, звязаных з падзеямі ваеннай гісторыі. Пры гэтым з гэтага правіла мелася і выключэнне — будынкі і збудаванні былога канцэнтрацыйнага лагера «Асвенцім».

У 2020 годзе, калі яшчэ дзейнічаў мараторый, Брэсцкі аблвыканкам і Міністэрства культуры пры падрыхтоўцы Дзяржаўнай праграмы «Культура Беларусі на 2021 і 2025 гады» прапрацоўвалі пытанне аб прапанове для ўключэння Брэсцкай крэпасці ў спіс ЮНЕСКА не ў якасці аб'екта Вялікай Айчыннай вайны, а як абарончага збудавання Расійскай імперыі XIX—XX стагоддзяў.

Згодна са спісам дзяржаўных гісторыка-культурных каштоўнасцей Рэспублікі Беларусь Брэсцкая крэпасць падзелена на дзве гісторыка-культурныя каштоўнасці: мемарыяльны комплекс «Брэсцкая крэпасць-герой» (1971 год) і «Комплекс фартыфікацыйных збудаванняў Брэсцкай крэпасці» (XIX-XX стагоддзя).

«З улікам асаблівай дзяржаўнай важнасці расследавання крымінальнай справы аб генацыдзе беларускага народа Генеральная пракуратура прапанавала давесці да сусветнай супольнасці Брэсцкую крэпасць не ў якасці форта XIX стагоддзя, а як мемарыял Вялікай Айчыннай вайны, які сімвалізуе абарону свету ад нацызму і барацьбу з развязанай палітыкай генацыду ў дачыненні да нашага народа», — гаворыцца ў прапанове Генпракуратуры.

Каментары5

  • маленькая архітэктарка цемры
    23.02.2024
    так - крэпасць гэта, якая паўстала на месцы разбуранага расейцамі Берасця, сама ёсць сведчаннем генацыда беларускага народа
  • Суповой пакетик
    23.02.2024
    Даже с учетом того, о чем говорил предыдущий комментатор, и с чьей оценкой нельзя не согласиться, - даже несмотря на это хочется спросить: ребят, вы что, ошалели? Хорош памятник, залитый подкрашенным бетоном! Во память-то, во значимость! Блин, все, что после войны еще оставалось действительно значимого, перекурочили, перепачкали своим казенным "патриотизьмом", а теперь - извольте видеть: это хотят выдать за памятник! Не позорились бы лишний раз...
  • Kub
    23.02.2024
    Трэба пачаць крымінальны пераслед супраць ЮНЭСКА за распаўсюд нацызму-тады дакладна ўключаць!

Цяпер чытаюць

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

Від на Каложскую царкву безнадзейна сапсаваны

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць