Грамадства55

У Наваполацку мужчыну арыштавалі за стары допіс пра гібель Рамана Бандарэнкі

Яго затрымалі днём 14 лютага пасля таго, як міліцыянт правёў маніторынг сацсетак.

У жыхара Наваполацка ў сацсетках знайшлі даўні допіс у памяць пра забітага сілавікамі Рамана Бандарэнку. Мужчыну затрымалі і адправілі на «суткі», пра гэта стала вядома з пастановы суда, піша «Люстэрка».

Паводле матэрыялаў справы, на старонцы мужчыны ва «УКантакце» была выяўленая публікацыя за 2020 год: фатаграфія Рамана Бандарэнкі з бел-чырвона-белымі стужкамі ў руках і подпіс «Не забудзем!». Гэты допіс знайшоў 26 студзеня 2024 года міліцыянт Наваполацкага ГАУС, які праводзіў «маніторынг» сацсетак.

Мужчыну затрымалі днём 14 лютага. На яго склалі пратакол паводле ч.1 арт. 24.23 КаАП аб парушэнні парадку правядзення масавых мерапрыемстваў. На думку міліцыі, новапалачанін, размясціўшы публікацыю на сваёй старонцы ў адкрытым доступе, выказаў свае «грамадска-палітычныя інтарэсы» без дазволу выканкама, а значыць, правёў несанкцыянаванае пікетаванне.

Затрыманага змясцілі ў ІЧУ. Суд адбыўся на наступны дзень, 15 лютага. Мужчына прызнаў віну і не адмаўляў, што размясціў гэты пост.

«Суд прыходзіць да высновы аб тым, што вышэйпаказанае дзеянне, здзейсненае В., сведчыць аб публічным выразе ім грамадска-палітычных, асабістых і іншых інтарэсаў», — гаворыцца ў судовым рашэнні.

Вынесла яго «суддзя Б.» — верагодна, гэта сумна вядомая наваполацкая суддзя Зінаіда Балаболава, на рахунку якой больш за сотню палітычна матываваных рашэнняў па адміністрацыйных артыкулах.

Жыхару Наваполацка ў выніку прызначылі сем сутак адміністрацыйнага арышту.

Каментары5

  • Sinus
    26.02.2024
    А как доказывали что это его страницв? Зачем признавал? Сказал бы что фейк, злоумышленники разместили его фото и данные!
  • этані
    26.02.2024
    Влад, дзіўна, што яшчэ паўстаюць такія пытанні
  • ont
    26.02.2024
    У супрацоўнікаў Ленінскага РАУС г. Гродна мною выяўлены спасылкі на экстрэмісцкія рэсурсы за прыкладна 2013-2017 годы у сац. сетцы "У Кантакце". Прашу правесьці маніторынг соц. сетак усіх супрацоўнікаў згаданага РАУС на ўтрыманьне экстрэмісцкіх матэрыялаў у іхніх акаунтах, выявіць тых, хто распаўсюджвае экстрэмісцкія рэсурсы, залішыць іх званьняў, службовых кватэр і адправіць на Гая адбываць іх законныя суткі ва ўмовах не па законе, а па "спецуказаньнях" без нармалёвай ежы, без матрасаў, у кайданках і з пад'ёмам па тры разы на ноч, ну, карацей кажучы, у тых жа ўмовах, у якія нас зьмяшчалі супрацоўнікі даннага РАУС, а кіраўнік згадана РАУС Канстанцін Смалякоў, які нейкі час таму кіраваў РУУС на Гая, відавочна, асабіста аддаваў гэтыя спецуказаньні. Тым ня менш дапусьціў працу экстрэмістаў у сваім падразьдзяленьні, таму яго неабходна тэрмінова звольніць за неадпаведнасьць займанай пасадзе і таксама зьмясьціць на суткі ў сваі ж родныя пенаты за пакрыцьцё экстрэмістаў. Калі што, скрыншоты са старонак у кантакце мною зроблены, каб не дапусьціць зьнішчэньня доказаў злачынстваў.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць