Свет1010

Трамп пачаў гандлёвую вайну з Канадай, Мексікай і Кітаем

ЗША ўводзяць пошліны на тавары з Канады, Кітая і Мексікі. Гэтыя краіны абяцаюць адказ. 

Дональд Трамп. Фоат: AP Photo / Evan Vucci

Прэзідэнт ЗША Дональд Трамп падпісаў указ аб пошлінах на тавары з Канады, Кітая і Мексікі. Для КНР стаўка складзе 10%, для Мексікі — 25%, для Канады — 10% на энергарэсурсы і 25% на астатні імпарт.

Не ўдакладняецца, калі пошліны набудуць моц. Высокапастаўлены чыноўнік сказаў агенцтву AP, што больш нізкая стаўка для нафты, газу і электраэнергіі з Канады звязана з жаданнем мінімізаваць магчымае павышэнне цэн на бензін ці камунальныя паслугі.

Прэзідэнт ЗША Дональд Трамп растлумачыў рашэнне неабходнасцю барацьбы з нелегальнай іміграцыяй і наркагандлем, у прыватнасці пастаўкамі фентанілу ў ЗША.

«Мы павінны абараніць амерыканцаў, і мой абавязак як прэзідэнта — забяспечыць бяспеку ўсіх. У сваёй перадвыбарнай кампаніі я паабяцаў спыніць паток нелегальных мігрантаў і наркотыкаў, якія перасякаюць нашы межы, і амерыканцы ў пераважнай большасці прагаласавалі за гэта».

Трамп сцвярджае, што пастаўкі фентанілу з Кітая трапляюць у ЗША праз Мексіку і Канаду, паколькі гэтыя краіны не могуць належным чынам ахоўваць свае межы. Ён абвінаваціў Кітай у парушэнні абавязацельстваў па скарачэнні вытворчасці фентанілу і заявіў, што Камуністычная партыя Кітая «субсідавала і заахвочвала» кампаніі да паставак гэтага небяспечнага рэчыва ў ЗША.

Павышэнне пошлін — перадвыбарнае абяцанне Дональда Трампа. 

У сваю чаргу прэм'ер-міністр Канады Джасцін Трудо ў адказ абвясціў аб маштабных тарыфах у памеры 25%, якія закрануць амерыканскія тавары коштам 155 млрд даляраў. 

Ён сказаў, што мяжа паміж ЗША і Канадай «адна з самых надзейных і бяспечных у свеце». «Менш за 1% фентанілу, які паступае ў ЗША, паступае з Канады. Менш за 1% нелегальных мігрантаў, якія паступаюць у ЗША, паступаюць з Канады, — заявіў Трудо. — Гандлёвыя меры супраць Канады — не найлепшы спосаб сумеснай працы па выратаванні жыццяў».

Прэзідэнт Мексікі Клаўдыя Шэйнбаум паабяцала, што таксама ўвядзе ў адказ як тарыфныя, так і нетарыфныя меры для тавараў ЗША, хоць пакуль не паведаміла падрабязнасці.

Шэйнбаум таксама назвала заяву Трампа аб тым, што мексіканскі ўрад знаходзіцца ў «недапушчальным саюзе» з наркакартэлямі, паклёпам на Мексіку.

Кітай адказаў, што заява Трампа сур'ёзна парушае правілы Сусветнай гандлёвай арганізацыі. «Кітай вельмі незадаволены гэтым і рашуча выступае супраць», — заявіла Міністэрства гандлю КНР. 

Кітай падасць пазоў у СГА супраць ЗША і прыме контрмеры для абароны сваіх правоў і інтарэсаў.

Каментары10

  • Чубаты гвяздабол
    02.02.2025
    Самазакаханы дзед вырашыў усіх узяць на понт? Думаю, што з Кітаем дакладна не праканае. Інвестыцыйны рынак прагназуе падвышэнне інфляцыі ў ЗША, калі Трамп сапраўды будзе рабіць тое, пра што набалабоў.
  • 1
    02.02.2025
    Як па-беларуску сказаць: "как с цепи сорвался"?
  • Acab
    02.02.2025
    Акабчык Маленькі папераджаў, што мала перамагчы сацыялістычную навалач з дэмпартыі. Маем цяпер іншае ліха.
    Толькі няўдзел ў палітычных бясчынствах. а ня выбар меншага дзяржабнага д ябла

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць