Кіно1717

Песня, якая вірусіцца ў беларускім тыктоку, аказалася саўндтрэкам да прапагандысцкага серыяла пра вайну

Рамантычныя відэа ў беларускім тыктоку цяпер модна запісваць пад песню «Самалёты». Яна з шалёна папулярнага расійскага серыяла, які рамантызуе вайну. Дарэчы, там жа гучаць некалькі песень беларускага гурта NEMIGA.

Серыял «Ландышы. Такое пяшчотнае каханне» выйшаў у Расіі ў першы дзень 2025 года. На постары ружовае воблачка-сэрца, пасярэдзіне бесклапотна ўсміхаецца дзяўчына з гітарай. За ёй два сур’ёзныя маладыя хлопцы (побач з адным з іх праваслаўная царква, побач з іншым — лонданскі Біг-Бэн).

«Нейкая рамантычная камедыя», — хутчэй за ўсё, падумае сярэднестатыстычны глядач. А потым прачытае ў апісанні, што гэта яшчэ і мюзікл.

Песень у серыяле сапраўды шмат. Многія з іх завірусіліся ў сацыяльных сетках, асабліва песня «Самалёты» расійскага спевака Жэні Трафімава.

І гэта дапамагае стваральнікам серыяла выконваць галоўную задачу — рамантызаваць вайну супраць Украіны, якую расійскія СМІ імкнуцца схаваць за сціплымі літарамі «СВА».

Фінансаваў здымкі Інстытут развіцця інтэрнэту, які апошнія гады не шкадуе грошай на ваенную прапаганду.

Сюжэт расійскага серыяла пачынаецца ў Вялікабрытаніі. Каця Арлова, дачка рускага мільярдэра, жыве ў Лондане. Яна збіраецца замуж, але яе не вельмі разумны жаніх вырашае здрадзіць дзяўчыне на борце прыватнага самалёта.

Сэрца разбіта, Каця вырашае збегчы ад былога каханага. Дзейнічае амаль што па схеме «чамадан-вакзал-Расія» — і трапляе ў Волагду. Там дзяўчына пускаецца ва ўсе цяжкія ў начным клубе і знаёміцца з танкістам Лёхам.

Той прапаноўвае бараніць Кацю ад былога жаніха. Каб дзяўчына магла жыць у вайсковай часці, ім трэба аформіць шлюб. Сказана — зроблена. Але Каця лічыць шлюб фармальным, а Лёха кажа, што яму недастаткова быць фіктыўным мужам, ён хоча сапраўдных адносін.

Ну а далей — вайна. У канцы першага сезона Лёха едзе ва Украіну забіваць людзей і раптам знікае. Каця ж месца сябе не находзіць. Яна пачынае пець у гурце «Ландышы» разам з іншымі «жонкамі афіцэраў». Дзяўчына дамагаецца таго, каб ім дазволілі паехаць на «спецыяльную ваенную аперацыю» падбадзёрваць расійскіх салдат. Хоча адшукаць свайго псеўдамужа, бо раптам зразумела, што закахалася ў яго.

Расійскія тыктокеры проста ў захапленні ад сюжэту і галоўных герояў. Дзяўчаты распавядаюць, што ім патрэбныя выключна такія хлопцы, як той Лёха. Ну і, канечне, трэкі з прапагандысцкага серыяла запоўнілі сацыяльныя сеткі.

Дарэчы, у серыяле «Ландышы. Такое пяшчотнае каханне» гучаць тры песні беларускага гурта NEMIGA — гэта «Нет печали», «Белым» і «Молодость». Самі артысты выкладваюць відэа з серыяла на сваёй старонцы ў інстаграме.

Рэйтынг серыяла «Ландышы. Такое пяшчотнае каханне» на расійскім сэрвісе «Кінапошук» — 8,4 бала, ён трапіў у спіс самых папулярных.

Каментары17

  • да
    05.02.2025
    нада срочно отменять незаконные западные санкции, потому что они подталкивают к роzzии обычных беларусиков, которые хотят в европу на закупы и отдыхать.
  • Нефанатка
    05.02.2025
    Даже треллер тупее некуда. Как можно такой шлак смотреть добровольно?
  • Андрей
    05.02.2025
    Толькі дзе яны там беларускую мову пачулі?! Песні ж расейскія!:)

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»40

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай92

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць