Грамадства1919

17-гадовы стартапер заявіў, што базу карыстальнікаў «Новай Беларусі» ўзламалі. Лібер адказвае: абвінавачванне абсурднае

На ютуб-канале блогера Сяргея Пятрухіна выйшла відэа з абвінавачваннем Паўла Лібера ў замоўчванні факта ўзлому платформы «Новая Беларусь» і ўцечцы асабістых даных карыстальнікаў. Галоўны аўтар абвінавачванняў — 17-гадовы Аляксей Бурбіцкі, які прэзентуе сябе як маладога стартапера ў Еўропе і называе сябе экс-супрацоўнікам каманды Лібера, які «з 2024 года працаваў на аўтсорсе на валанцёрскіх пачатках, распрацоўваючы невялікія праграмныя модулі».

«Гэтая гісторыя выдуманая ад пачатку да канца. Ніякіх зліваў у нас не было, а Аляксей у нас не працаваў», — пракаментаваў Павел Лібер «Нашай Ніве».

Старонка ў інстаграме Аляксея Бурбіцкага

Па словах Паўла Лібера, Аляксей выходзіў на яго толькі аднойчы: у красавіку 2025 года, папрасіўшы глянуць яго стартап.

«Я яму сказаў, што стартапы не кансультую. І ўсё. Таксама ён напісаў на пошту дадатку Svae, прапаноўваючы рэкламную інтэграцыю, але яго рэкламы ў нас не было».

На сёння Аляксей пачысціў перапіску з Паўлам, кажа апошні. Пры гэтым у відэа на канале Пятрухіна Бурбіцкі далучыў скрыншоты ліставання, якое нібыта мела месца яшчэ ў студзені. Павел Лібер жа запэўнівае, што ўпершыню Аляксей пачаў грукацца да яго і каманды толькі ў красавіку.

Таксама Аляксей нібыта пісаў брату Паўла Віталю.

«У мяне ёсць брат Віталь, але ён ніякім бокам не мае дачынення да праектаў. Гэтая гісторыя пра тое, што можна змяшаць праўду і хлусню, каб гэта выглядала больш пераканаўча», — каментуе Павел Лібер.

На скрыншотах Аляксей нібыта паведамляе Паўлу пра знойдзеныя ў сеціве злітыя даныя платформы «Новая Беларусь» і просіць пра гэта не маўчаць, але пасля таго, як Павел «не рэагуе», грукаецца па дапамогу да яго брата Віталя. Віталь і іншыя партнёры, па словах Бурбіцкага, былі за тое, каб распавесці пра ўцечку ў СМІ, але «Павел, параіўшыся з Офісам і сваімі куратарамі, прыняў рашэнне ўсё схаваць», а таксама «пад пагрозай дэпартацыі забараніў іншым казаць пра ўзлом». У выніку Аляксея нібыта адхілілі ад справаў за «пазіцыю».

Дык ці ўцяклі чуллівыя даныя беларусаў у сеціва?

У студзені 2023 года КДБ прызнаў платформу «Новая Беларусь» «экстрэмісцкім фармаваннем». У лютым 2025 года дадатак правёў рэбрэндынг — цяпер ён мае назву Svae.

Пры гэтым Аляксей Бурбіцкі сцвярджае, што акурат у пачатку 2025-га платформа была ўзламаная, і менавіта таму каманда і вырашылася на рэбрэндынг: тады на працоўную пошту платформы нібыта прыйшло паведамленне з патрабаваннем пераводу крыптавалюты за тое, што хакеры не будуць распаўсюджваць даныя карыстальнікаў і вярнуць доступ. Праўда, на скрыншоце ад Бурбіцкага ўсё выглядае як звычайны скам — махлярскае паведамленне, якое рассылаецца, каб чалавек неабачліва націснуў на спасылку.

«Не ведаю, ці плаціў Лібер камусьці грошы, але доступ вярнулі», — зачытвае Бурбіцкі ў кадры. Усю сутнасць абвінавачванняў ён таксама чытае з загадзя падрыхтаванай крыніцы.

Што тычыцца даных, якія ён выдае за персанальныя звесткі беларусаў, якія цяпер даступныя на хакерскіх сайтах для куплі, то там можна разгледзець інфармацыю пра бізнэсы, якія і так ёсць у адкрытым доступе. Для сэрвісу Bymapka беларусы ўвогуле адмыслова дасылаюць звесткі пра свае паслугі, каб любы ахвотны мог скарыстацца імі, знайшоўшы арыенціры на карце ў краіне пражывання.

«Апублікаваная Аляксеем інфармацыя датычна нашай платформы проста фізічна не можа быць рэальнай. Дадатак не збірае ніякіх персанальных даных. Вы можаце пісаць у чаты, пакінуўшы e-mail. Гэта адзінае, што ён у вас папросіць. Вы фізічна не можаце ўнесці там такую колькасць даных, як на скрыншотах [з відэа]. Нават калі вы пакідаеце мэйл, у нас ёсць зноска: калі ласка, зрабіце яго дэперсаналізаваным, нам не трэба ведаць, хто вы. Таму зліў нейкай базы немагчымы: яе няма», — каментуе Павел Лібер.

«Наша Ніва» звярнулася па дадатковы каментар да Аляксея Бурбіцкага. Ён адмовіўся адказваць на пытанні рэдакцыі:

«Усё, што ў мяне было, я ўсё расказаў Сяргею Пятрухіну, якому давяраю. Больш мне дадаць няма чаго. Усе доказы я яму таксама даў».

Адмовіўся ён і дадаткова пацвердзіць факт ліставання з Паўлам Ліберам.

Каментары19

  • Ой!
    19.05.2025
    Пятрухін сення “ сама надзейная крыніца інфармацыі”.
  • Chuck Espozito
    19.05.2025
    [Рэд. выдалена]

    [Зрэдагавана]
  • Вельмі падобна
    19.05.2025
    Filipp, гэта адная і тая ж група Вячоркі, якія злілі людзей у ЧКБ і нікога не папярэдзілі. Цалкам падобная сітуацыя, шаноўны!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць