Грамадства2020

Пятрухін не здаецца: хоча, каб КР заслухала 17-гадовага «стартапера». Але без яго бацькоў гэтага рабіць нельга

Ініцыятыву «Народнага рэпарцёра» не падтрымаў бадай ніводзін ўдзельнік Каардынацыйнай рады.

Сяргей Пятрухін

Блогер Сяргей Пятрухін працягвае сваю вайну з заснавальнікам «Новай Беларусі» Паўлам Ліберам і пераконвае грамадства, што хлуслівая гісторыя 17-гадовага стартапера Аляксея Бурбіцкага можа быць чыстай праўдай.

Чытайце таксама:17-гадовы стартапер заявіў, што базу карыстальнікаў «Новай Беларусі» ўзламалі. Лібер адказвае: абвінавачванне абсурднае

Што за 17-гадовы стартапер, які выліў цэбар хлусні на Лібера на радасць беларускім спецслужбам

Пятрухін, які і запусціў фэйк пра ўзлом базы «Новай Беларусі», прапанаваў зладзіць адкрытыя слуханні ў Каардынацыйнай радзе.

«Хлопец не хавае свой твар і гатовы выступіць адкрыта. Застаецца на сувязі. Фармат не важны. Давайце хлопца паслухаем разам, задасце пытанні», — напісаў ён у чаце КР.

Іншыя ўдзельнікі КР паспрабавалі патлумачыць яму, што ідэя дурная.

«Вы ўвогуле не чуеце і не бачыце, што ўсё, што кажа гэты хлопец, хлусня? Вамі карыстаюцца, Сяргей, і вы радасна бяжыце даваць платформу ўсім, хто скажа вам, якія беларускія арганізацыі кепскія. І ці то вы не разумееце гэтага, ці то ў кааперацыі», — выказалася віцэ-спікерка Стася Гліннік.

Блогер Аляксандр Кабанаў, колішні калега Пятрухіна па «Народным рэпарцёры», быў больш рэзкі.

«Калісьці даўно, у мінулым жыцці, мы абралі дэвіз канала: «Праўду казаць лёгка і прыемна». Зрабі лёгка і прыемна, раскажы з кім ты працуеш, хто пераканаў цябе выдаліць мяне з канала, ведаючы, што я не дазволю гэтую чухню там размяшчаць. Раскажы ўсю праўду. Бо ўсё таемнае рана ці позна становіцца відавочным) Вірусу і Бульбе прывітанне)», — напісаў Кабанаў, згадаўшы ідэйных сяброў Пятрухіна — блогера-канспіролага Віталя Кандраценку і Сяргея Бульбу, гаспадара варшаўскага Беларускага моладзевага хаба.

Лізавета Пракопчык з «Моладзевага наступу» таксама не выказала энтузіазму: «Я не разумею, навошта нам слухаць чалавека, які хлусіць па ўсіх аб'ектыўных паказчыках. З тых фактаў, што я ўжо маю, магу сказаць, што ў лепшым выпадку ён проста хворы, у горшым — кадэбэшнік ці махляр».

«Слухайце, не сустракайцеся вы з дзіцём і не глядзіце яго тэлефон. Гэта ўсё вельмі незаконна з пункту гледжання Еўрасаюза», — падказаў Андрэй Курэйчык, нагадаўшы, што Аляксею Бурбіцкаму пакуль 17 гадоў. Аднак Пятрухін працягнуў ігнараваць анкетныя звесткі хлопца і даводзіў, што яму ўжо 18 гадоў. «Без прысутнасці бацькоў яго слухаць нельга», — падсумаваў лідар АГП Уладзімір Шанцаў.

Каментары20

  • Боже, какие же слабаки они все и размазня
    20.05.2025
    Достали уже капитально!! Полные бездари и нули. Тьфу
  • бабруйчанін
    20.05.2025
    Боже, какие же слабаки они все и размазня , ??? А чаму тутака на НН? Вам да моцных рашучых на совбелію
  • Гарамбуш
    20.05.2025
    Так он же уже всё сказал и Либер всё сказал. Ну может пусть Павел расскажет как-то более подробно как работает прилага, что в ней нет базы, что бы даже Пятрухіну было понятно.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць