Грамадства1717

На «Камунарцы» патлумачылі, чаму цукеркі «Знічка» цяпер робяць нясмачнымі

Некаторыя беларусы скардзяцца ў сацсетках, што цукеркі мінскай фабрыкі «Камунарка» (і не толькі) ужо не тыя. Па іх словах, і шакалад стаў іншым, і начынка не такая смачная. Напрыклад, адных пакупнікоў не задаволіла якасць «Бярозкі», а іншых — «Знічкі». Начальніца ўпраўлення па якасці «Камунаркі» Ганна Козыр патлумачыла журналістам выдання Telegraf.news, у чым тут справа, і расказала, дзеля чаго даводзіцца мяняць рэцэптуру тых ці іншых цукерак.

«Есці немагчыма»

Журналісты Telegraf.news сустрэлі некалькі скаргаў ад беларусаў у каментарах да відэа «Камунаркі» ў тыктоку. Пры гэтым па датах відаць, што незадаволеныя якасцю прысмакаў некаторыя ўжо некалькі гадоў.

«Знічка» проста агідная стала», — падзяліўся адзін з карыстальнікаў сацсеткі.

«Знічку» і «Бярозку» нават задарма не вазьму», — напісаў іншы.

«Іх есці немагчыма», — выказаў меркаванне трэці.

Па словах начальніцы ўпраўлення па якасці «Камунаркі» Ганны Козыр, раней, калі ў крамах было не так шмат выбару, іх прадукцыю раскуплялі ў разы больш ахвотна. Цяпер жа, каб утрымаць спажыўца, на фабрыцы вырабляюць цукеркі «рознага цэнавага сегменту». А для таго, каб зрабіць іх таннейшымі, даводзіцца замяняць адны інгрэдыенты на іншыя.

Напрыклад, у той жа «Знічцы» на змену шакаладнай глазуры прыйшла кандытарская. Менавіта гэта, верагодна, і заўважылі беларусы.

Працэс вытворчасці прысмакаў на фабрыцы «Камунарка». Фота Telegraf.news

Шакаладная глазура складаецца з какава-парашку, цукру і тлушчаў (напрыклад, алею какавы або расліннага алею). У яе склад уваходзіць не менш за 25% агульнай сухой рэшты какава-прадуктаў, у тым ліку не менш за 12% алею какавы.

У той жа час у кандытарскай глазуры замест алею какавы выкарыстоўваюць заменнікі — лаўрынавага (какосавы або пальмаядравы алей) або нелаўрынавага (на аснове рапсавага алею, сланечнікавага, соевага і пальмавага алеяў) тыпу, а таксама фарбавальнікі і араматызатары.

Працэс вытворчасці прысмакаў на фабрыцы «Камунарка». Фота Telegraf.news

Спецыялістка звярнула ўвагу, што

«гэтыя цукеркі для тых, хто ставіць у прыярытэт цану, а не якасць. Мы стараемся зрабіць так, каб нашы прысмакі былі даступныя ўсім».

«Напрыклад, хто б што ні казаў, але рэцэптура тых жа «Сталічных» не мянялася з самага пачатку, а гэта 60 гадоў. Сюды ж уваходзіць «Чырвоны Каптурок», «Труфелі», «Мінчанка» і «Птушка», — адзначыла Ганна Козыр.

Яна дадала, што для тых, хто ставіць на першае месца якасць прадукту, на фабрыцы ёсць цэлы шэраг цукерак з шакаладу ў натуральнай глазуры. Да іх адносяцца: «Любімая Алёнка», «Мішка на паляне», «Чырвоны Каптурок»; «Грыльяж у шакаладзе»; «Мінчанка» і іншыя.

Каментары17

  • даведка
    02.10.2025
    Кто позволил менять рецептуру конфет, поганя их легендарные советские бренды?
  • даведка
    02.10.2025
    Сначала пропал прежний генеральный директор «Коммунарки» Сергей Анюховский, а следом за ним его отец Анатолий — директор Толочинского консервного завода.
    Оба в прошлом являлись членами полностью подконтрольного Совета Республики.
  • даведка
    02.10.2025
    «Коммунарка» разваливается просто на глазах, а её новый генеральный директор уже начал закрывать фирменные магазины данной некогда легендарной фабрики.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць