Грамадства

Якія еўрапейскія краіны найбольш запатрабаваныя беларусамі для адпачынку

Беларусы і ў 2025 годзе, нягледзячы на цяжкасці з атрыманнем віз і складаную лагістыку, працягвалі выбіраць для адпачынку еўрапейскія краіны, дабіраючыся туды самалётамі. Пра гэта паведамілі ў Рэспубліканскім саюзе турыстычных арганізацый.

Венецыя ў Італіі. Фота: «Наша Ніва»

Часцей за ўсё беларусы выляталі на адпачынак з аэрапортаў суседніх дзяржаў — Вільні, Коўна, Рыгі, Варшавы, а таксама з Гданьска і Кракава. Папулярнымі заставаліся і маршруты з перасадкамі праз Стамбул і Ерэван, асабліва пры паездках на Кіпр і ў Чарнагорыю.

Паводле звестак сэрвісу TravelHub, найбольшая колькасць рэзерваванняў на лета 2025 года прыйшлася на красавік і май. Самай запатрабаванай еўрапейскай краінай у беларусаў стала Італія — на яе прыпала больш за палову (55%) усіх браняванняў. Другое месца заняла Іспанія (25%), а трэцяе — Грэцыя (10%). Таксама летась зноў з’явіліся авіятуры ў Балгарыю з вылетам з суседніх краін.

Асноўнай праблемай для турызму, акрамя цяжкасцяў з атрыманнем віз, застаецца забарона на палёты авіякампаніі «Белавія» ў паветранай прасторы Еўрасаюза. Хоць у 2025 годзе ЗША і некаторыя краіны знялі з яе санкцыі, еўрапейскае неба для беларускай авіякампаніі ўсё яшчэ закрытае. Але нават калі б яно адкрылася ў 2026 годзе, гэта не прывяло б да хуткага аднаўлення прамых рэйсаў з-за моцна скарочанага паветранага флоту, які цяпер налічвае толькі 17 самалётаў.

Эксперты адзначаюць, што ў першую чаргу маглі б аднавіцца рэйсы ў буйныя гарады, такія як Парыж, Рым, Берлін і Вена. А вось на курортныя напрамкі — Барселону, Салонікі, Тыват, Рыміні, Бургас і іншыя — самалётаў, хутчэй за ўсё, не хапіла б. Для паўнавартаснага аднаўлення палётаў спатрэбіўся б час на вяртанне лізінгавых дамоў і набыццё новых паветраных суднаў.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць