Грамадства2929

Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты

Падчас вулічнай апытанкі рускамоўны блогер у Германіі вырашыў паразмаўляць з дальнабойшчыкам з Брэста. «Наша Ніва» высветліла, што ж за прыхільнік Лукашэнкі цягаецца па Германіі. Ён аказаўся былым пагранічнікам.

Аляксандр Агапаў

Рускамоўны блогер Адынаеў звычайна робіць апытанкі з прадстаўнікамі розных нацыянальнасцяў на вуліцах Германіі. На яго канал у YouTube падпісана больш за 70 тысяч чалавек, у інстаграме ён мае 107 тысяч падпісчыкаў.

Чарговым суразмоўцам блогера стаў беларус у каўбойскім капелюшы, які прадставіўся Аляксандрам з Брэста. Маўляў, ужо тры гады працуе дальнабойшчыкам кадэнцыямі ў Еўропе.

На пытанне блогера пра тое, чым адрозніваецца Германія ад Беларусі, мужчына адказаў прапагандысцкімі штампамі. Выдаў і пра чысціню беларускіх вуліц, і пра тое, быццам бы немцы больш абыякавыя да жыцця, іншая справа — выхадцы з былога СССР.

Аляксандр заявіў, што сам бы ніколі не змог прыжыцца ў Германіі, бо вельмі моцна любіць Беларусь. У якасці доказу свайго патрыятызму перадаў прывітанне Лукашэнку.

Блогер спытаў у Аляксандра, чаму народ Беларусі падтрымлівае Лукашэнку: «Захад кажа, што ён дыктатар, але ж мы ведаем, што ў Беларусі 99% яго падтрымлівае».

І вось што адказаў дальнабойшчык:

— Гэта кажа заходні ўрад, якому не падабаецца ягоны пункт гледжання. Яму не падабаецца наш парадак. Не падабаецца, што ў нас усё працуе нягледзячы ні на што. Прычым народ — любы народ — Бельгіі, Францыі, Іспаніі станоўча ставяцца [да Лукашэнкі].

На пытанне, чаго з пабачанага ў Германіі не хапае ў Беларусі, Аляксандр сказаў:

— Ну вось сабор гэты можна было б — ха-ха — сабраць у нас. Мне падабаецца архітэктура, гісторыя глыбокая. Бо ў маёй краіне ўсё было разбурана вайной, і яна занава была адбудавана. Тут таксама былі войны, канечне, але маштабы тут уражваюць. Прыгажосць неверагодная.

@b.odinaev Интервью с мужчиной из Белоруссии #интервью #белорусь #белоруссия #брест #лукашенко #русскоязычныевгермании #жизньвгермании #русскаягермания #врек ♬ оригинальный звук - ODINAEV

Блогер папрасіў Аляксандра сказаць некалькі слоў па-беларуску — маўляў, ён звычайна просіць суразмоўцаў крышачку паразмаўляць на іх роднай мове.

Беларус у адказ пасміхнуўся і заявіў, што для беларусаў родная мова — руская. Але ўсё ж выціснуў з сябе: «Шаноўныя гледачы, вітаем у Германіі!»

Відэа публікавалася яшчэ летась, а цяпер зноў завірусілася.

Аляксандр Агапаў з дачкой

Герой відэа — Аляксандр Агапаў з Брэста. Раней ён быў памежнікам — у адпаведнай форме яго можна пабачыць на фотаздымках БелТА яшчэ ў мінулым годзе.

Таксама ў родным горадзе Аляксандр вядомы і як вадалаз-ратавальнік, некаторы час ён працаваў на ратавальнай станцыі № 1 у Брэсце. Але потым стаў на замову шукаць у вадаёмах згубленыя рэчы.

СМІ пісалі пра яго і з той нагоды, што мужчына выпадкова знайшоў у рацэ медаль ветэрана. Аляксандр шукаў заручальны пярсцёнак, які нехта згубіў пры купанні, а ў працэсе знайшоў і медаль 1945 года «За адвагу». Уладальніка медаля атрымалася знайсці і ўручыць яму страту.

Засвяціўся Аляксандр у масоўцы фільма «Паляванне на гаўляйтара» — граў аднаго з фашыстаў, які сустракаў у Мінску Вільгельма Кубэ.

Фота са здымкаў фільма «Паляванне на гаўляйтара»

У Threads завірусілася інтэрв’ю з Аляксандрам. Каментарыі ў асноўным здзеклівыя.

Людзі цікавяцца, чаму такі нібыта патрыёт не працуе ў Беларусі:

«Лукашэнка — цудоўны прэзідэнт, таму ён вымушаны быць гастарбайтарам», «Усе зайздросцяць, але працую ў Германіі. Дзіўна», «Пытанне: калі ўсё цудоўна, чаму ты працуеш у Германіі? Чаму амерыканцы, англічане не едуць працаваць у Германію?», «На словах любіць радзіму, але харчавацца ездзіць да паноў у гейропу, якая загнівае», «Беларус, які рускі, а ў Еўропе па польскіх дакументах. Патрыёт. Пытанне, чаму палова беларусаў у Еўропе, палова ў Расіі, а Лукашэнка малайчына?».

Каментары29

  • %
    17.03.2026
    Звычайны рускамірскі мудазвон. Вось і ўвесь сакрэт
  • Поцык
    17.03.2026
    Дальнобой - это как правило диагноз. Только литовцы их почему-то очень любят.
  • Всё ок
    17.03.2026
    И вот он - не угроза национальной безопасности

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць