Грамадства11

Белавежская пушча патлумачыла, чаму перанесла тэхнарэйв

Але прычына нібыта не ў пратэстах.

Белавежская пушча патлумачыла, чаму перанесла тэхнарэйв, правядзенне якога выклікала шмат шуму і розгаласу ў сацсетках.

Па словах прадстаўніка нацпарка, яны вырашылі пашырыць мерапрыемства да «маштабнага праекта электроннай музыкі». І таму фэст перанясуць з маёнтка Дзеда Мароза да галоўных варот парка.

«Паважаныя аматары электроннай музыкі, натхнёныя вашай рэакцыяй і вялікай цікавасцю, мы з радасцю абвяшчаем пра запуск маштабнага праекта электроннай музыкі. У сувязі з гэтым мерапрыемства, запланаванае на 18 красавіка, пераносіцца на 28 жніўня. Месца сустрэчы і правядзення мерапрыемства — галоўныя вароты Нацыянальнага парка. Што вас чакае? Гэта будзе не проста вечарына, а незабыўная ноч, напоўненая мноствам сюрпрызаў, а таксама выступамі топавых выканаўцаў электроннай музыкі. Усе раней набытыя білеты застаюцца сапраўднымі. У сувязі з пашырэннем праграмы і ўзроўню падзеі кошт новых білетаў будзе скарэктаваны», — заявілі ў Нацпарку.

Раней тэхнарэйв быў анансаваны на гэту суботу, 18 красавіка.

Мерапрыемства анансавалася наступным чынам:

«18 красавіка Белавежская пушча ператворыцца ў эпіцэнтр электроннай музыкі. Мы запрашаем вас на ўнікальны тэхнарэйв у самым сэрцы легендарнага лесу — у маёнтку Дзеда Мароза! Уявіце: векавыя дрэвы, начная ілюмінацыя казачнай сядзібы і магутныя біты, што пранізваюць цішыню ночы. Гэта не проста вечарынка, гэта пагружэнне ў іншую рэальнасць».

У сацсетках на тэхнарэйв адрэагавалі неадназначна. Адныя перажывалі адносна таго, як такое шумнае мерапрыемства адаб'ецца на жывёлах пушчы:

«Зараз вясна, гнездаванне птушак, гон многіх жывёл… Якія рэйвы з магутным гукам?»

«Птушкі будуць у захапленні, астатнія звяркі таксама ў экстазе».

«У запаведніку грукат тэхна ў перыяд гнездавання».

«Люблю рэйвы, люблю тэхна, люблю опэн-эйры, але рылі… У Белавежскай пушчы — гэта ўжо ту мач».

Дастаткова зірнуць на карту: маёнтак літаральна патанае ў лесе. Навокал — ні забудовы, ні «буфернай зоны». Да найбліжэйшай невялікай вёскі — прыкладна два кіламетры.

Былі і тыя, хто лічыць, што вечарынка не павінна нашкодзіць жывёлам, якія насяляюць месцы побач з лакацыяй яе правядзення:

«Маёнтак Дзеда Мароза ўжо гадоў з 20 напоўнены людзьмі. Там заўсёды шумна, асабліва ў навагоднія святы. Ён не ў лясным гушчары знаходзіцца».

«Гэта, напэўна, не будзе праходзіць у прыродаахоўнай зоне. А там, дзе далі дазвол, напэўна, на пастаяннай аснове нешта ды праходзіць (уласна, гэта пазначана). А якое-небудзь свята кшталту вяселля можа аказацца нашмат шумнейшым (з-за феерверкаў, напрыклад)».

«Узровень гуку на тэхнарэйвах звычайна складае ад 100 да 120 дэцыбелаў. Стрэл з ружжа ў сярэднім стварае гук гучнасцю ад 140 да 170 дБ. Узровень шуму ад удару маланкі (гром) надзвычай высокі: у непасрэднай блізкасці ён складае каля 120—140 дБ, што дасягае болевага парога чалавека. Пры асабліва блізкіх ударах або спецыяльных умовах узровень гукавога ціску можа кароткачасова перавышаць 165—200. Пытанне: ад чаго больш імаверна спыніцца сэрца беднай жывёлы?»

Каментары1

  • Ыцук
    16.04.2026
    Это просто днище.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць