Грамадства1515

Цішком звольнілі дырэктара Нацыянальнага гістарычнага музея. На яго месца чакаюць адыёзнага дэпутата-камуніста Клішэвіча

Аляксандр Храмы займаў пасаду з 2021 года. Ён адкрыта казаў, што падыход да гісторыі сёння вызначаецца «рашэннем прэзідэнта».

Нацыянальны гістарычны музей. Ілюстрацыйнае фота

У Нацыянальным гістарычным музеі Беларусі змянілася кіраўніцтва. Як стала вядома «Нашай Ніве», 50‑гадовы Аляксандр Храмы больш не дырэктар: ён пакінуў пасаду ў гэтым месяцы. Зараз яго абавязкі выконвае намесніца, новага кіраўніка пакуль не прызначылі.

Публічна пра звальненне Храмога не паведамлялася. Яго імя проста прыбралі з сайта музея.

На суботніку 18 красавіка, калі Лукашэнка паехаў на будаўніцтва новага Нацыянальнага гістарычнага музея, Храмога ў кадры відаць не было. Даклад пра музей рабіў нядаўна прызначаны міністр культуры Марат Маркаў. 

Аляксандр Храмы ўзначаліў Нацыянальны гістарычны музей у красавіку 2021 года. Ён педагог па адукацыі. Спачатку працаваў па спецыяльнасці, пасля рабіў кар'еру ў музеях. Быў вучоным сакратаром у Нацыянальным гісторыка-культурным музеі-запаведніку «Нясвіж» (2011-2013), загадчыкам экспазіцыйна-выставачнага аддзела, намеснікам дырэктара Нацыянальнага гістарычнага музея (2013‑2019). У 2019‑2021 узначальваў Дзяржаўны літаратурна-мемарыяльны музей Якуба Коласа.

Аляксандр Храмы

Храмы адкрыта казаў, што падыход да гісторыі вызначаецца «рашэннем прэзідэнта», і што беларусы павінны ганарыцца сваёй гісторыяй у зададзенай інтэрпрэтацыі.

За гэтыя гады музей усё мацней уключаўся ў дзяржаўную ідэалагічную машыну і сумесныя праекты з Расіяй. 

У кулуарах абмяркоўваюць, што новым дырэктарам можа стаць камуніст Сяргей Клішэвіч. Гэты адыёзны дэпутат Палаты прадстаўнікоў не мае дачынення да музейнай справы. Ён быў першым сакратаром Мінскага гаркама БРСМ і ідэолагам Мінгарвыканкама.

У 2016 годзе на адкрыцці помніка Леніну ў Мінску дапамагаў амапаўцам затрымліваць Змітра Дашкевіча. 

Клішэвіч прапаноўваў замяняць настаўнікаў вайсковымі пенсіянерамі, называў анучай нацыянальны сцяг, а ў 2020‑м паказваў фак аўтамабілістам, якія сігналілі на праспекце Незалежнасці.

Сяргей Клішэвіч паказвае фак аўтамабілістам, якія сігналілі ў знак асуджэння на праспекце Незалежнасці 20 жніўня 2020 года

Ён абвінавачваў пратэстоўцаў у кіраванні звонку і выступаў за адлічэнне студэнтаў за ўдзел у пратэстах.

У маі 2026 года Клішэвіч збіраецца абараніць дысертацыю па тэме «Камсамол Беларусі ва ўмовах трансфармацыі савецкага грамадства (1985‑1991)».

«Наша Нiва» — бастыён беларушчыны

ПАДТРЫМАЦЬ

Каментары15

  • Пытанне
    22.04.2026
    Камуніст? Як выразна беларусы асудзілі камунізм і савецкцю сістэму? У перыяд 1991-2020 ці пасля 2020. Бо далей вельмі часта бачна, як працяг БССР фашизмом называюць, нібыта пад капірку камуністычнай прапаганды, (не)парадаксальна.
  • ::
    22.04.2026
    Меў рацыю Дашкевіч, што народ не асудзіў камунізм вось і эфекты.
  • Ёсік
    22.04.2026
    У лукашэнкі прэзідэнтам можа быць толькі ён, а астатнія пасады могуць займаць абы хто, толькі не адмыслоўцы. Што атрымліваецца ў выніку бачым апасьля некалькіх месяцаў кіраваньня - нічога, адкат у мінулае, зь якога выйсьця няма, прасьцей зачыніць, ці, нават, разбурыць, зьнішчыць і забыцца.

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

На канцэрт Кадышавай у Мінску ў какошніках прыйшлі нават мужчыны92

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

больш чытаных навін
больш лайканых навін

Крымскі мост зруйнаваны ўдарам украінскіх ракет38

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць