Грамадства3838

Андрэева: Калеснікаву купілі за «Беларуськалій», мяне за зняццё санкцый з банкаў. Калі б санкцый не было, за што б нас куплялі?

У сваім першым вялікім інтэр'ю пасля вызвалення журналістка «Белсата» Кацярына Андрэева выказала сваё меркаванне адносна «дыялогу» з Лукашэнкам, за які выступае Марыя Калеснікава.

Кацярына Андрэева. Скрын відэа: belsat_life / YouTube

Былая палітзняволеная Кацярына Андрэева ў праграме «Мне толькі спытаць» адзначыла, што дыялог з афіцыйным Мінскам — гэта не новая з’ява, прынамсі для Злучаных Штатаў.

«Дыялог ёсць у амерыканцаў у любым разе, бо калі яны прылятаюць у Мінск, яны сядаюць за стол перамоў. І насупраць іх сядзіць старшыня КДБ. І Лукашэнка сядзіць з імі ўсімі за адным сталом», — падкрэсліла яна.

Каментуючы пазіцыю Марыі Калеснікавай, якая заклікае Еўропу пайсці на падобны крок, Андрэева задаецца пытаннем пра мэту і сродкі такога ўзаемадзеяння.

Журналістка перакананая: адзінае, што прымушае ўлады ісці на саступкі і вызваляць палітвязняў — гэта эканамічныя страты ад санкцый. Яна адкрыта называе працэс вызвалення «купляй».

«Нам трэба ўсім разумець, вельмі добра і ясна ўсведамляць, што калі б не было санкцый, не было б чым таргавацца. Ну вось, Машу купілі за «Беларуськалій». Вось мяне купілі за калій, зняцце санкцый з банкаў, і нейкія яшчэ, магчыма, дамоўленасці, якія проста не выносілі амерыканцы ў публічны трэк», —

заўважае Андрэева і даводзіць, што спадзявацца на маральныя якасці прадстаўнікоў рэжыму пасля гадоў жорсткасці бессэнсоўна: 

«Калі б гэтага не было, а за што б нас куплялі? Разлічваць на жэст добрай волі? На гуманізм? Чалавечнасць? На што можна разлічваць пасля пяці гадоў проста татальных, татальных рэпрэсій?»

У такіх умовах, на думку Андрэевай, той прагматычны падыход, што дэманструе Дональд Трамп, — адзіная магчымасць «падабрацца да Лукашэнкі, пасадзіць яго за стол» і прапанаваць здзелку, улічваючы, што эканоміка Беларусі моцна пацярпела ад санкцый.

«Я бачу, што яны сапраўды пацярпелі ад санкцый, якія былі ўведзеныя праз іхнія ж учынкі: праз затрыманне людзей, праз тое, што Беларусь стала плацдармам для ўвядзення расійскіх войскаў у 22‑м годзе, праз саўдзел у гэтай агрэсіі. Немагчыма было б за штосьці іншае таргавацца. Якія яна [Амерыка] опцыі можа прапанаваць? Проста сесці за стол? Без папярэдніх умоў?» — лічыць былая палітзняволеная.

Каментары38

  • Берлинский транзит
    23.04.2026
    С Колесниковой максимально не удачный пример!
  • Бывший политзэк
    23.04.2026
    Берлинский транзит, чем неудачна констатация факта?
  • помимо кнутов есть еще пряники
    23.04.2026
    помимо снятия санкций есть еще взаимовыгодные сделки без введения и снятия санкций.
    А за одну Андрееву вообще ничего бы не предложили, не тот калибр, что у Колесниковой

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць