Здарэнні11

Што рабіць, калі пабачыў птушаня на зямлі?

З траўня па ліпень птушаняты-падлёткі пакідаюць гнёзды і вучацца лётаць і жыць самастойна. Не трэба карміць іх і забіраць дадому! Іх бацькі побач, яны прыглядаюць за імі. Ты не паклапоцішся пра іх лепш за бацькоў.

На фота Паліны Скальскай подлетак дразда-піскуна

Як зразумець, што гэта подлетак, а не дарослая параненая птушка? Піша тэлеграм-канал «Дзікая прырода побач».

У подлеткаў часткова захоўваецца пух (на галаве і спіне), пер’е крылаў і хваста кароткае, можа быць у трубачках, хвост падобны на абгрызены. У вераб’іных птушанят па краях дзюбы — жоўтыя валікі.

Што рабіць, калі знайшлі подлетка?

За горадам: ціхенька сыдзі. Не турбуй птушаня і бацькоў.

У горадзе: калі месца небяспечнае (дарога, дзіцячая пляцоўка, месца для выгулу сабак) — асцярожна перанясі птушаня да бліжэйшых кустоў ці дрэў, падсадзі (не падкідвай!) на галінку, на дах пад’езду ці гаража. Зрабі гэта хутка і вельмі акуратна — не пашкодзь крохкія косці.

Вароны — асобны выпадак: іх бацькі агрэсіўна абараняюць птушанят. Калі вараняня сядзіць на дзіцячай пляцоўцы, яго можна перанесці далей, папярэдне абараніўшы галаву ад нападаў бацькоў. Ці на тыдзень павесіць папярэджанне, каб людзі абыходзілі небяспечны ўчастак.

Калі птушаня ўжо забралі дадому, трэба як мага хутчэй вярнуць яго на тое ж месца, дзе знайшлі!

Забіраць птушанят і птушак з прыроды для лячэння можна толькі ў тым выпадку, калі яны пацярпелі ад дзейнасці чалавека. Для гэтага патрабуецца дазвол Мінпрыроды, і лепш перадаць птушку ў прытулак ці заапарк.

Каментары1

  • Жвір
    12.05.2026
    Не, ну, ў маім выпадку, мы забралі птушаня вароны дамоў, у яго было пашкоджана крылца. Ніякія вароны ня кідаліся замінаць. Ветэрынар сказаў, што птушка ўжо не паляціць, крыло ў тым месцы правільна не зрасьцецца. Так і жыло варанё ў гаражы, ды на падворку увесь цёплы сезон, а потым яго забрала адна фермерша, што гадуе куры, жыць да іх. Вараня было кампанейскае, мяркую, што з курамі яно лёгка паразумелася.
    А ў іншым выпадку малое было здаровае, яго не чапалі, толькі ваду яму выносіў, і падзяўбсьці саго-таго. Ягоныя ж бацькі назіралі, седзячы на сасне. Па-першым часе ўтваралі шум, лёталі над галавою, а потым супакоіліся, зусім. Малое на ноч залазіла вышэй на дровы, амаль пад страху, і сядзела там ціха, каб не прыцягваць увагу катоў, а раніцою ізноў рабіла праменад у садку. Праз нейкіх дзён 10 пачало лётаць і далучылася да сваіх.
    Што цікава, з таго часу вароны спынілі шкодзіць у мяне на падворку, можна пакінуць ежу на стале пад чарэшняй, ці кайстру з харчам пры дзьвярах, яны нічога не чапаюць, ня так, як было раней...

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць