Грамадства1212

Лукашэнка заклікаў Малдову «не рэзаць пупавіну» і не губляць ранейшых партнёраў

Падчас сустрэчы ў Мінску з малдоўскім палітыкам Ігарам Дадонам Аляксандр Лукашэнка выказаў занепакоенасць размовамі пра пагрозу незалежнасці Малдовы, заклікаў Кішынёў захаваць шматгадовыя сувязі і расказаў пра каштоўнасць суверэнітэту.

Аляксандр Лукашэнка. Фота: AP Photo / Pavel Bednyakov, Poo

Аляксандр Лукашэнка заклікаў Малдову «не рэзаць пупавіну» і не губляць ранейшых партнёраў. Пра гэта ён заявіў на сустрэчы з малдоўскім прарасійскім палітыкам і экс-кіраўніком краіны Ігарам Дадонам, які цяпер займае пасаду старшыні Партыі сацыялістаў Рэспублікі Малдова.

«Не трэба рэзаць гэтую пупавіну і рваць адносіны з тымі, з кім вы заўсёды знаходзілі агульную мову. Вось гэта для мяне галоўнае, і я публічна хацеў сказаць, што Малдова і малдаване — гэта наша любоў. Я думаю, Савецкага Саюза калісьці ў цэлым. Мы з вялікай павагай ставіліся да вашага народа і вашага краю. І мы не хочам гэтага страціць. І вы, спадзяюся, таксама», — сказаў ён.

Таксама Лукашэнка папрасіў не дапусціць страты суверэнітэту Малдовы. 

«Мы вельмі часта апошнім часам чуем з розных крыніц пра тое, што Малдова гатова стаць ці не часткай іншай дзяржавы. Вядома, адкрыта скажу, я як наогул чалавек, улюбёны ў вашу краіну, ты гэта добра ведаеш, з жахам гэта чую і ўспрымаю», — заявіў ён.

Таксама Лукашэнка расказаў пра каштоўнасць суверынітэту для кожнай краіны.

«Не хачу казаць банальныя рэчы пра тое, што суверэнітэт і незалежнасць дорага заўсёды каштуюць і гэта галоўнае для любой краіны (гэта ты лепш за мяне ведаеш), але я вельмі прасіў бы і цябе, і тваіх прыхільнікаў, каб ні ў якім разе не дапусцілі знішчэння такой квітнеючай, цудоўнай, няхай невялікай па памерах, краіны, як Малдова. Такой прыгажосці, якую беларусы ўсе любілі ў Малдове, наўрад ці знойдзеш у свеце. Гэта такі ціхі, спакойны быў куток (думаю, і ёсць) для жыцця людзей. Мы заўсёды вам зайздросцілі», — дадаў ён.

З 2020 года, пасля прыходу да ўлады праеўрапейскай партыі PAS, Малдова ўзяла выразны курс на інтэграцыю з ЕС. Краіна афіцыйна атрымала статус кандыдата на ўступленне ў Еўрасаюз і пачала перамовы аб сяброўстве. Гэты працэс ускладняецца прысутнасцю расійскіх войскаў у Прыднястроўі — сепаратысцкім рэгіёне Малдовы, які дэ-факта кантралюецца Расіяй з пачатку 1990‑х гадоў.

Да таго адносіны паміж Кішынёвам і Масквой рэзка пагоршыліся пасля пачатку паўнамаштабнага ўварвання Расіі ва Украіну ў 2022 годзе, якое Малдова асудзіла.

Масква рэгулярна выкарыстоўвала газ і эканамічныя эмбарга як рычагі ціску на малдоўскія ўлады. Расія таксама падтрымлівае прарасійскую апазіцыю ў Малдове (у тым ліку Ігара Дадона і структуры збеглага алігарха Ілана Шора), якую Кішынёў і заходнія разведкі абвінавачваюць у спробах дэстабілізацыі сітуацыі і падрыхтоўцы дзяржаўнага перавароту.

Каментары12

  • .
    26.05.2026
    У артыкуле няма слова "Румынія", як мінімум.
  • Жвір
    26.05.2026
    Як толькі абодва злачынныя рэжымы абрынуцца, Малдова адновіць стасункі ў патрэбным ёй выглядзе, а цяпер яна ратуецца ўцёкамі ад ашалеўшых "ранейшых" партнэраў...
  • Медык
    26.05.2026
    Бывае, што пупавіна захлыстваецца вакол шыі, тады дзіця памірае ад удушша.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць