Свет

Удзельнікі трампаўскай Рады міру не спяшаюцца пералічваць грошы ў яе скарбонку

Паводле даных выдання Financial Times са спасылкай на чатыры інфармаваныя крыніцы, Рада міру, створаная Дональдам Трампам у пачатку 2026 года, праз чатыры месяцы пасля свайго запуску застаецца без рэальнага фінансавання.

Дональд Трамп. Фота: AP Photo/Mark Schiefelbein

Як сцвярджаюць крыніцы выдання, на банкаўскі рахунак арганізацыі не паступіла ніводнага даляра з абяцаных донарскіх узносаў. Прытым раней некалькі краін абяцалі ў суме каля 17 мільярдаў даляраў на праекты, звязаныя з аднаўленнем сектара Газа.

З-за адсутнасці грошай праца арганізацыі фактычна затармазілася. Усе асноўныя задачы, якія ёй ставіліся — раззбраенне ХАМАС, вывад ізраільскіх войскаў і аднаўленне Газы — аніяк не прасунуліся.

Таксама паведамляецца, што замест запланаванага механізму праз фонд Сусветнага банка, які павінен быў забяспечваць кантроль і празрыстасць, сродкі павінны былі паступаць на асобны рахунак у банку JPMorgan. У гэтым выпадку няма такога ўзроўню фінансавага кантролю і справаздачнасці.

Па інфармацыі FT і іншых крыніц, частка краін сапраўды абяцала ўдзел у фінансаванні, але фактычна ўнёскі зрабілі толькі асобныя ўдзельнікі, і сумы значна меншыя за заяўленыя. Напрыклад, Марока пералічыла каля 20 мільёнаў даляраў, якія пайшлі на працу офіса і адміністрацыйныя выдаткі.

У выніку «Рада міру» апынулася ў сітуацыі, калі яна фармальна існуе і мае планы, але без дастатковага фінансавання не можа іх рэалізаваць.

Пра праблемы з фінансаваннем «Рады міру» паведамлялася яшчэ раней. Паводле інфармацыі агенцтва Reuters, з дзевяці краін, якія абяцалі ўнесці грошы, фактычныя выплаты зрабілі толькі ААЭ, Марока і ЗША. Агульная сума атрыманых сродкаў склала менш за 1 мільярд даляраў.

На сустрэчы ў Вашынгтоне ў лютым Дональд Трамп заявіў, што ўдзельнікі ініцыятывы абяцалі каля 7 мільярдаў даляраў на аднаўленне сектара Газа. У гэты спіс уваходзілі Казахстан, Азербайджан, ААЭ, Марока, Бахрэйн, Катар, Саудаўская Аравія, Узбекістан і Кувейт.

Акрамя гэтага, ЗША павінны былі дадаць яшчэ 10 мільярдаў даляраў, а ААН — каля 2 мільярдаў. Гэтыя сродкі планавалася накіраваць, у тым ліку, на стварэнне нацыянальнага камітэта кіравання Газай, які павінен быў атрымаць частку функцый пасля раззбраення ХАМАС.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць