Грамадства66

У Полацку адкрылі музей самага старажытнага манастыра Беларусі

Экспазіцыя пры Спаса-Ефрасіннеўскім жаночым манастыры расказвае не столькі пра яго рэлігійнае жыццё, колькі дэманструе ўнікальныя археалагічныя артэфакты і раскрывае гісторыю рэстаўрацыі самага старажытнага храма Беларусі.

Будынак былога епархіяльнага жаночага вучылішча пачатку ХХ стагоддзя, дзе размясціўся новы музей. Перад уваходам усталяваны макет, які дэманструе першапачатковае аблічча Спаса-Праабражэнскай царквы (варыянт адпрэчаны навукоўцамі). Фота: БЕЛТА

Музей знаходзіцца па-за сценамі самога манастыра, ён заняў дарэвалюцыйны будынак былога Полацкага епархіяльнага жаночага вучылішча на вуліцы Еўфрасінні Полацкай. Сама навучальная ўстанова была адкрытая пры манастыры яшчэ ў сярэдзіне ХІХ стагоддзя, а цяперашні мураваны гмах узвялі на пачатку ХХ стагоддзя. Пра гэта паведамляе сайт Сінадальнага аддзела па справах манастыроў і манастве БПЦ.

Шыльда над галоўным уваходам у новую музейную прастору, якая знаходзіцца па-за сценамі самога манастыра. Фота: БЕЛТА

Экспазіцыя падзеленая на тры тэматычныя залы. Першая з іх ахоплівае агульную гісторыю манастыра ад моманту яго заснавання да нашых дзён. Дзве іншыя цалкам прысвечаныя працэсу вывучэння, рэстаўрацыі і архітэктуры Спаса-Праабражэнскай царквы ХІІ стагоддзя. Тамсама выстаўлены багаты матэрыял, сабраны беларускімі навукоўцамі падчас археалагічных раскопак на тэрыторыі манастырскага комплексу.

Старадаўняя рукапісная кніга ў экспазіцыі музея. Фота: БЕЛТА
Вітрына з гістарычнымі артэфактамі ХІХ — пачатку ХХ стагоддзя: дарэвалюцыйныя выданні «Полацкіх епархіяльных ведамасцяў», памятныя медалі, старыя выданні акафістаў і архіўныя фотаздымкі. Фота: БЕЛТА

Ініцыятарам стварэння музейнай прасторы выступіў упаўнаважаны ў справах рэлігій і нацыянальнасцей Аляксандр Румак, які і адкрыў выставу разам з кіраўнікамі мясцовай адміністрацыі і ігуменняй Еўдакіяй. Падчас першай экскурсіі наведвальнікам прапанавалі пакінуць свае аўтографы незвычайным спосабам. Для гэтага выкарыстоўваліся літары старажытнага алфавіта, які даследчыкі аднавілі на аснове ўнікальных эпіграфічных надпісаў — графіці, пакінутых на фрэсках Спаса-Праабражэнскага храма амаль дзевяць стагоддзяў таму.

Музейная зала, цалкам прысвечаная археалогіі і архітэктуры Спаса-Праабражэнскага храма. У вітрынах выстаўлены арыгінальныя элементы старажытнай будаўнічай керамікі (плінфы), знойдзеныя падчас раскопак. Фота: БЕЛТА
Макет руінаванага Крыжаўзвіжанскага сабора. Фота: БЕЛТА

Адкрыццё музея вырашылі прымеркаваць да 865‑годдзя стварэння Крыжа Еўфрасінні Полацкай. Гэты напрастольны крыж-каўчэг, аздоблены перагародчатай эмаллю, быў зроблены майстрам Лазарам Богшам на замову асветніцы ў 1161 годзе. З нагоды гістарычнага юбілею Міністэрства сувязі выпусціла спецыяльны паштовы блок, гашэнне якога адбылося адразу пасля адкрыцця музея. На паштовай мініяцюры страчаны падчас Другой сусветнай вайны крыж выяўлены на фоне арыгінальных фрэсак Спаса-Праабражэнскай царквы.

Каментары6

  • %
    14.06.2026
    Асабліва ВЫБЕШВАЮЦЬ гэтыя псеўда маскальскія літары. Дарэчы ў Полацку гэтым шрыфтам што толькі не распіана - ад таксовак да манастыроў. Вось ужо сапраўды рЮскі горад
  • Андрусь
    14.06.2026
    Родныя сцены...
    РПЦшныя папы адабралі будынак у Полацкага ляснога тэхнікума, які быў альма-матэр для многіх пакаленняў работнікаў лясной гаспадаркі Беларусі. Я як пабачыў загалоўную фотку ў стужцы - аж дыхаць заняло.
    Аказваецца, там папоўскі музей.
  • псеўда маскальскія літары
    14.06.2026
    %, +1, calkam zhodny

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе16

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе16

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць